Page 1 of 1
ghazal bara-e-mushaira #34
Posted: Sat Nov 03, 2007 7:26 pm
by mujahid
pehlay mujeh aisa laga tha k misra eun hai "ye kis ummeed par ghar ko bayaba'n kar dia hum nay"
so abb mai'n nay eun likhh dia hai "ye kis ummeed par ghar ko bayab'n kar dia mai'n nay"
roman mai'n
Posted: Sat Nov 03, 2007 7:40 pm
by mujahid
ghazal
kyun naaraaz tujh ko yu.n a jaanaa'n kar dia mai'n nay
ye kis ummeed par ghar ko bayabaa'n kar dia mai'n nay
zamaanay bhar ki saari tohmate'n yu.n kha makha layli'n
k jub say chaak apna he garebaa'n kar dia mai'n nay
lo waadaa daar par chardnay ka poora ho gaya maira
teri zulfo'n say khud ko he awaizaa'n kar dia mai'n nay
raqeebo'n ko kare'n bardaash kaisey tairey koochey mai'n
unhi ko husn say tairey guraizaa'n kar dia mai'n nay
chhupaa wo laakhh pardo'n mai'n jo tairaa husn thah uss ko
khayaalo'n he khayaalo'n mai'n pareshaa'n kar dia mai'n nay
"mujahid" dil ki nagri jo pardi veeraan thi tairi
ussey dilkush nizaaro'n ka gulistaa'n kar dia mai'n nay
Posted: Mon Nov 05, 2007 11:15 pm
by Muzaffar Ahmad Muzaffar
moHtaram Mujaahid SaaHib aadaab! :rose
ummeed hai kheriyat se hooN ge. rawaN mushae'rah ke liye aap kee Ghazal dekhee. achchee koshish hai. saadah alfaaz^ aor nafees kheyalaat se aaraastah asha'aar deedah zeb haiN. Ghazal dilkash hai. mujhe sabhee she'er pasand aae haiN. mat^la' kaa miSra'-e-oola beHer meN naheeN aa sakaa. is kee aek Surat yeh ho saktee hai. is khubSurat
"tujhe naaraaZ^ kiyooN aeY jaan-e-janaaN kar liya maiN ne"
kyun naaraaz tujh ko yu.n a jaanaa'n kar dia mai'n nay
ye kis ummeed par ghar ko bayabaa'n kar dia mai'n nay
is ke barah meN oopar zikr aageyaa hai.
zamaanay bhar ki saari tohmate'n yu.n kha makha layli'n
k jub say chaak apna he garebaa'n kar dia mai'n nay
Waah!
lo waadaa daar par chardnay ka poora ho gaya maira
teri zulfo'n say khud ko he awaizaa'n kar dia mai'n nay
Waah Waah!
raqeebo'n ko kare'n bardaash kaisey tairey koochey mai'n
unhi ko husn say tairey guraizaa'n kar dia mai'n nay
Kiya kehne!
chhupaa wo laakhh pardo'n mai'n jo tairaa husn thah uss ko
khayaalo'n he khayaalo'n mai'n pareshaa'n kar dia mai'n nay
Waah!
"mujahid" dil ki nagri jo pardi veeraan thi tairi
ussey dilkush nizaaro'n ka gulistaa'n kar dia mai'n nay
Waah!
mushae'rah meN shumuliyat ke liye aap kaa teh-e-dil se mamnoon hooN.
Wassalam
Muzaffar A Muzaffar