Muzaffar Ahmad Muzaffar wrote:Biradaram Haamid Baaqari SaaHib Assalamo Alkium!
wa alaikumussalaam
muzaffar bhai saahib

mah-e-rawaN ke liye aap ke asha'aar Hasb-e-rawayat nihayat eemaanafrooZ haiN. aor taqwiyat-e-eeman kaa cabab haiN. aap jis moHtaat^ aor sanjeedah andaaZ meN she'er keh rahe haiN. us se yeh andazah bakhubee lagaya jaa saktaa hai. keh nah Sirf she'er shanaas haiN. balkeh sheereenee-e-sukhan kee ghulawaT aor khushbuo'ooN kee milawaT ke fan se bhee bakhubee aashna haiN. aap ke kheyalaat mulae'm aor sheereeN, haiN. aor eHsaasaat fikr-o-fan se muziyun haiN. aap ne apnee shaae'ree samtooN kaa SaHeH ta'iyun kar ke qaaree ke dil-o-demaaGh ko sha'oor aor idraak kaa besh qeemat khazanah bakhsh kiya hai.

muzaffar bhai saahib yeh sab taufeeqay ilaahi kay siwa kuch bhi nahiN.


bhataktay aadmi kau aik insaaN kar liya maiN nay
khudee pehchaan kar khud per yeh ehsaaN kar liya maiN nay

Bohot khoob!
bahut bahut shukriya

jau khaaye mail fitrat say woh bas islaam hai yaaro
esee islaam say mazboot eemaaN kar liya maiN nay

Kiyaa kehne!
bahut bahut shukriya

musalmaaN ka yeh matlab hai khuda ki bandagee karna
khudaa ka shukr hai khud kau musalamaaN kar liya maiN nay

Bohot khoob Waah!
bahut bahut shukriya

mohammed(s.a.w)aur unki aal(a.s) kay rastay kau apnaakar
zamaanay kee har ik mushkil kau aasaaN kar liya maiN nay

Kiya kehne Waah waah!
bahut bahut shukriya

agar bandah hai too mera miray bandoN say ulfat kar
khuda kay hukm kau jeenay ka saamaaN kar liya maiN nay

Waah Waah!
bahut bahut shukriya

damay aakhir jau ghaflat meiN tha woh insaaN bolayga
"yeh kis ummeed per ghar kau biyaabaaN kar liya maiN nay"

Kiya kehne!
bahut bahut shukriya

hai jab tak jaan pahunchaatay raho islaam kau haamid
is ik farmaan kau bas dil ka armaaN kar liya maiN nay

Bohot khoob! Waah!
bahut bahut shukriya

meree janib se khubSurat takhleeq par dilee mubarak baad qubool keejiye.

aapki purkhuloos mubaarakbaad ka hum tahay dilsay shukriya ada kartay haiN.

jazkallah

Wassalam
Muzaffar A Muzaffar

sara_j wrote:Haamid bhai sahib

tasliimaat!
Assalaam o alaikum
azeezah sara saahebah


bhai aapke jazbaat bhi aapki shaqsiyat ki tarah

bohat pakeeza hain har shair per dil se daad nikli

shukriya .............iltemaasay dua.

aur ye khwahish jaagi ke main bhi is tarah likhuN.

aap tau masha allah bahut accha likhtee haiN.

is dilkash aur khoobsurat ghazal per dili daad aur

mubarakbaad qubool keejiye :rose

aapki purkhuloos daad aur mubaarakbaad ka hum tahay dilsay shukriya ada kartay haiN.

mukhlis
sara