• Ghazal # 35...........Sara Jabeen

Posted: **Fri Dec 21, 2007 12:28 am**

moHtarmah Saara jabeeN SaaHibah tasleemaat!

GuZarish#35 ke liye aap kee Ghazal dekhee. mashAllah aap ne alfaaz^ ko kheyaalaat ke paekar meN Dhaal kar ASGhar GaonDawi kee t^arH aalaam-e-rooZgaar ko Gham-e-janaN meN Dhaalne ke khubSurat tajrube kiye haiN. yahee wajah hai keh aap kaa kalam aek khaaS infaradiyat kaa Haamil hai. aap ne apne afkaar ko khaaliS Ghazal kaa ranG dene ke liye nafees jazbooN aor mutarannum lehnooN kaa intekhaab kiya hai. jo aap ke asha'aar ko Haqeeqat aor fit^rat ke bohot qareeb kar deta hai. jis kee wajah se qaaree ko asha'aar meN apnaa pan meHsoos hone lagtaa hai. aor yahee woh kaawish hai jo aap ke kalam ko rawayat se munsalik rakhtee hai. aor kaanooN meN raseelee gungunahaT samoee huee meHsoos hotee hai. jis par aabsharooN ke tarannum kaa gumaaN hotaa hai.

1. maiN roz haNsti rahi apna gham chupaane ko
"nah jaane kaese khabar ho gaee Zamane ko"

Waah Waah!

2. tumhare pyaar ne aaNchal ko rung baKhsha hai
miree udaas see duniya haseeN banaane ko

Bohot khoob! khub kaha hai.

3. zamaana deta hai jhooTee tasalliyaan har pal
hawaa bhi aati hai akSar mujhe lubhaane ko

Bohot khoob! Waah!

4. khaRi hooN Saahil.e darya pe phir bhi hooN tishna
machaltee lahreeN bhi aati hain dil jalane ko

Kiya kehne! Waah!

5. hawaaeN lauT ke aayee haiN mere koochey meN
paiyaam laayee hain kiska mujhe sunane ko

Waah!

6. woh kah rahe hain sajee hai zameeN sitaaroN se
yeh baat such hai ke heela mujhe bulaane ko

Waah!

7. hameN khabar nah huuwee kab guzar gaye :Sara:
mile the chund hi pal zindagi sajaane ko

Kiya kehne Waah Waah! achchaa she'er hai.

meree janib se dilee daad qubool keejiye.
Wassalam
Muzaffar A Muzaffar

Posted: **Tue Dec 25, 2007 4:38 am**

bohat Aziz Sara jee

salaam-e-khulooS

aapki naaazuk si terHi ghazal dekhi bohat pasand aa'ee

meri terafse bhi aik kaamiyaab koshish per dilee daad aur mubaarakbaad

sadaa Khush rehaiN :rose :rose :rose

wassslam

Posted: **Wed Dec 26, 2007 6:05 am**

woh kah rahe hain sajee hai zameeN sitaaroN se
yeh baat such hai ke heela mujhe bulaane ko

Great One!

Posted: **Thu Dec 27, 2007 7:11 am**

sara_j wrote:Sab ki khidmet mein tasliimaat!!

Ghazal:

1. maiN roz haNsti rahi apna gham chupaane ko
"nah jaane kaese khabar ho gaee Zamane ko"

2. tumhare pyaar ne aaNchal ko rung baKhsha hai
miree udaas see duniya haseeN banaane ko

3. zamaana deta hai jhooTee tasalliyaan har pal
hawaa bhi aati hai akSar mujhe lubhaane ko

4. khaRi hooN Saahil.e darya pe phir bhi hooN tishna
machaltee lahreeN bhi aati hain dil jalane ko

5. hawaaeN lauT ke aayee haiN mere koochey meN
paiyaam laayee hain kiska mujhe sunane ko

6. woh kah rahe hain sajee hai zameeN sitaaroN se
yeh baat such hai ke heela mujhe bulaane ko

7. hameN khabar nah huuwee kab guzar gaye :Sara:
mile the chund hi pal zindagi sajaane ko

[align=center][/align]

Niyaazmand Sara.

azeezah sara sahebah

is ghazal per aabsharoN kay tarannum ka gumaaN hauta hai

muzaffar bhai nay kitni khoobsoorti say is ghazal ki taaref kee hai.

aapki yeh ghazal seedhay hamaaray dil meiN utar gayee hai.

is haseen ghazal per hamaari dilee daad aur mubaarakbaad qubool farmaayeN

:rose :rose :rose

allah(sbhnwt)karay zoray qalam aur ziyaadah

aapka bhai
haamid

Ghazal # 35...........Sara Jabeen

Re: Ghazal # 35...........Sara Jabeen