naya saal janaN mubarak ho tumko



tere gird KhushyaN sada jhil~milayeN
kabhi ranj o Gham kii hawaiN nah aayeN
bahaareN tere paaoN chooma kareN aur
fizaa~oN kay mosam tujhe gun~gunaiN

rida jo bhi khaaboN kii tu nay buni hai
Khuda unn kii taAbeer shamm jalaye
jisay tu nay paaney kii kiiN ho dua~eiN
dua hai meri woh tujhey mil hi jaye

chiraaGh e mahabbat jalaati raho tum
go ye apni manzil ko paati raho tum
kabhi ban k suraj kabhi ban kay azmat
nazar maiN saboN kii samaati raho tum

ufuQ per maiN shohrat kay taaray utarooN
kaha tu nay maahtaab ban kar maiN chamkooN
magar chaand per daaGh hota hai so maiN
tujhey chaand say kaisay tashbeeh dey do0N

tujhay istaAroN kii kya hai zaroorat
samajh ab tu Khud apni Khud aagahi ko
Khud apnay hi andar wafa ban kay mehko
Khud apnay hi andar dua ban kay chamko


NAYA SAAL jaanaN MUBAARAK HO TUMKO (01-Jan-99)



SAMEER

Naya Saal (01-Jan-99) ?????

KYA MATLAB.... 2008 Mubarak Nahiin Hoga Aapki Jaanu ke liye?????

Typo mistake hai ya koi...... Andar kii baat hai Sameer Bhai????

Armaan

munir-armaan-nasimi wrote:Naya Saal (01-Jan-99) ?????

KYA MATLAB.... 2008 Mubarak Nahiin Hoga Aapki Jaanu ke liye?????

Typo mistake hai ya koi...... Andar kii baat hai Sameer Bhai????

Armaan

aadaab Armaan SaaHib.

typo mistake nahiN hai dar aSl yeh naZm maiN ney 01/jan/1999 ko likh~khi thi. shukriyah.

SAMEER

Sameer sahib,

salaam.

aapki nazm mujhe bohat pasand aayi.

daad qubool keejiye.

sara[/quote]


aadaab Sara SaaHibah.

Ghazal kii pasandiidgi kay liye bayHad mamnoon hoN.


SAMEER