Page 1 of 1
NAII GHAZAL
Posted: Wed Mar 26, 2008 12:57 pm
by m.naeem.sameer
HaaZreen e meHfil
aadaab.
apni naii Ghazal aap ki Khidmat maiN pesh kar raha hoN, is ummeed kay saath, kay aap apni qimati aaraa say, har giz mahroom nahiN kareNge. shukriyah.
din bhi Dhalnay lagaa bastiyaaN so gayeeN
chaand niklaa nahiN khiRkiyaaN so gayeeN
tez suuraj maiN par ko jalaati raheeN
shub ko murjhaa kay sub titliyaaN so gayeeN
aaj eHsaas kii chaandnii raat maiN
uskay alfaaz kii bij~liyaaN so gayeeN
baap kii apnay ghar muflisi dekh kar
bhook oRhay huwey bach~chiyaN sogayeeN
raat, tablay kii dhun per khanak~tii rahiiN
subh utrii huiiN chuuR~yaaN so gayeeN
bistar e margg per naa~tavaaN ik za~eef
ghum mukammal huwa sis~kiyaaN so gayeeN
jaa kay shahr e KhamoshaaN maiN dekho SAMEER
kya say kya boltii has~tiyaaN so gayeeN
SAMEER
Posted: Wed Mar 26, 2008 4:41 pm
by Anmol
tez suuraj maiN par ko jalaati raheeN
shub ko murjhaa kay sub titliyaaN so gayeeN
baap kii apnay ghar muflisi dekh kar
bhook oRhay huwey bach~chiyaN sogayeeN
bistar e margg per naa~tavaaN ik za~eef
ghum mukammal huwa sis~kiyaaN so gayeeN
jaa kay shahr e Khamoshaa maiN dekho SAMEER
kya say kya boltii has~tiyaaN so gayeeN
Sameer SaaHib, aadaab!
aap ki ghazal bhi meri pasandeeda behr meiN hai, zameen bhi Khoob hai aur ashaar nihaayat umda especially quoted ashaar.... maqta paRh kar to mujhe chacha Ghalib yaad aa gaye.
sab kahaaN kuchh laala-o-gul meiN numaayaaN ho gayeeN
khaak meiN kya soorateN hoNgi k pinhaaN ho gayeeN (Ghalib)
waise Ghalib se aik lateefa bhi yaad aa gaya, lekin off-topic ho jaayega
. anyways, coming back to your ghazal, mujhe aap ke sabhi ashaar behad pasand aaye haiN, (jab mujhe koi kalaam bahut pasand aaye, to aksar mere paas pazeerayi ke liye alfaaz bhi kum paR jaate haiN
) so aap meri jaanib se DheroN daad aur mubaarakbaad per hi iktifaa kar lijiye.
Anmol
Posted: Wed Mar 26, 2008 5:37 pm
by muhammad_19k
raat, tablay kii dhun per khanak~tii rahiiN
subh utrii huiiN chuuR~yaaN so gayeeN
great one!
Posted: Wed Apr 02, 2008 9:15 pm
by m.naeem.sameer
Ayesha Anmol SaaHibah
aadaab.
HoSlaa afzaaii per intehaaii mamnoon hoN.
Ghalib kay lateefay wali baat ab tak adhorii hai.....
SAMEER
Posted: Thu Apr 03, 2008 9:48 pm
by m.naeem.sameer
muhammad_19k wrote:raat, tablay kii dhun per khanak~tii rahiiN
subh utrii huiiN chuuR~yaaN so gayeeN
great one!
mamnoon e karam
SAMEER
Posted: Fri Apr 04, 2008 6:04 pm
by Sohail Malik
Bohat khuub Sameer saaheb
aap ki ghazal pasand ayee daad qabul kijiay
wassalam
sohail malik
Posted: Fri Apr 11, 2008 1:47 pm
by m.naeem.sameer
Sohail Malik wrote:Bohat khuub Sameer saaheb
aap ki ghazal pasand ayee daad qabul kijiay
wassalam
sohail malik
moHtaram Sohail Malik SaaHib
aadaab.
HoSlaa afzaaii kay liye mamnoon hoN
SAMEER
Posted: Sun Apr 13, 2008 8:35 pm
by muhammad_19k
Sameer SaHeb,
aap ki ghazal par dobraa nazar paRi to is sher par aTTak gayee
tez suuraj maiN par ko jalaati raheeN
shub ko murjhaa kay sub titliyaaN so gayeeN
par sooraj jalaataa hai ke dhoop?
titliyaaN murjhaati heN ke thakti heN?
regards,
Posted: Mon Apr 14, 2008 1:22 pm
by Khurshidul Hasan Naiyer
Janaab Sameer Sb
Adaab
Achhe ashAaar haiN,
Daad Qabool farmaaiye
Allah Hafiz
Khurshidul Hasan Naiyer
Posted: Wed Apr 16, 2008 2:36 pm
by m.naeem.sameer
muhammad_19k wrote:Sameer SaHeb,
aap ki ghazal par dobraa nazar paRi to is sher par aTTak gayee
tez suuraj maiN par ko jalaati raheeN
shub ko murjhaa kay sub titliyaaN so gayeeN
par sooraj jalaataa hai ke dhoop?
titliyaaN murjhaati heN ke thakti heN?
regards,
moHtaram janaab Khawar SaaHib,
aadaab.
aap ney nah cheez kay kalaam per naZr e caani kii, bahat shukriyah. mujhey Khushi hai kay aap bazm maiN un logoN maiN say hai jo riwayati mushairoN kii tarha Sirf daad hi say nahiN balkey kalaam maiN agar kaheeN koi naqs maloom ho toh usay bhi ujaagar kartey haiN. such poochye toh mujh aisay tifl e maktab ka apney kalaam ko yahaN pesh karney kaa maqSad bhi yehi hai kay kalaam kii Khaami ya naqs saamney aaiN.
taiz suuraj maiN par ko jalaati raheeN
shub ko murjha k sub titliyaaN so gayeeN
is shair kii baabat aap ney likha hai k:-
par sooraj jalaataa hai ke dhoop?
lekin yahaN per titliyaaN apney par jalaa rahi haiN, dhoop maiN per jal rahe hoN yaa tez suraj say (lekin aap ney jab tawajjoh dilaaii hai toh maiN isay mazeed kisi ustaad say poochoNga aur ghor karoNga.
isi shair k dusrey miSrey per aap neh poocha hai k:-
titliyaaN murjhaati heN ke thakti heN?
yahaN per titliyoN k phelaaye huwey per k samaitney ko murjhaaney say tashbeeh dii gayee hai.
agar ab bhi aap ko koi Khalal naZar aaye toh barah e karam mujhey zaroor batayyega, mujhey Khushi ho gii.
maiN ummeed karta hoN k aap aaindah bhi mujhey aapni aaraa say zaroor nawaazeiNge.
Tifl e maktab
SAMEER
Posted: Tue Apr 22, 2008 11:31 am
by m.naeem.sameer
Khurshidul Hasan Naiyer wrote:Janaab Sameer Sb
Adaab
Achhe ashAaar haiN,
Daad Qabool farmaaiye
Allah Hafiz
Khurshidul Hasan Naiyer
HoSlaa afzaaii kay liye mamnoon hoN.
SAMEER