Assalaam o alaikum
dosto

tarhi kalaam aapki bacaaratoN kay hawaalay kar rahay haiN

gar qubool uftad zhay...

arz kiya hai


koyee bhatka hua daykhaa nah jaaye
andhayroN meiN ghiraa daykhaa nah jaaye

taraasha hai jisay haathoN say apnay
kahay uskau khudaa daykhaa nah jaaye

badaa zaalim hai daykho nafsay insaaN
keh is say paarsaa daykhaa nah jaaye

dilauN per hukmraani hai hasad ki
keh khush hau doosraa daykhaa nah jaaye

nahiN hai baulnay ki jis meiN taaqat
"woh but hai' yaa khudaa daykhaa nah jaaye

kitaabay zindagi meiN likh day haamid
keh tujh say baywafaa daykhaa nah jaaye

nateejaye fikr
haamid baaqari
al hamdulil