aHbaab urdubandhan

Adaab

ek t^arHee ghazal lekar aap kee a'daalat maeN Haz^ri hooN. aapni raaye se aagaah farmaayeN
nawazish hogee.

[align=center]naye rind haiN nayaa maikadah nayee botaloN maeN sharaab hai
abhi dastras maeN nah aayegaa abhi bahkaa bahkaaa shabaab hai

nah woh ulfateN nah woh chaahateN nah woh unsopyaar kaa baab hai
huyee talf saaree riwaayateN yeh jadeediyat kaa neSaab hai

mere hamnasheeN zara soch to keh yeh kaisaa teraa Hesaab hai
mujhe khaar hee hai milaa wahaN jahaN shaakh shaakh gulaab hai

kaheeN ranj o gham kaheeN HasrateN kaheen yaasodukh kee riwayten
jise paRh rahaa hai too shouq se meree zindagee kee kitaab hai

meree usse itnee hai rasm o rah nah mile naZar nah khule hai lab
:nah kalaam hai nah payaam hai nah sawaal hai nah jawaab hai

abhee our nikhre gaa range roo abhee khushboo phailegee koo ba koo
jo mere lahoo se paTee zameeN yeh usee chaman ka gulaab hai

mere hamnasheeN ko hai sab khabar keh hai chhalnee chhalnee mera jigar
pah woh kiyaa kare keh sawaar us pa to beHesee ka a'zaab hai

yahee iltijaae kiye phir rahaa hai har aek se "Naiyer"e benawaa
kabhee toRyo nah subue gham keh isee maeN haaN maey naab hai.[/align]


kalaam:Khurshidul Hasan Naiyer

muHtarmaa sara Sahibaa

Tasleemaat

Ghazal kee pasandeedgee or daad kaa bahut shukriya.

Mumkin hai yeh Ghazal aap ne Mushaira.org per dekhaa ho. wahaaN t^arhee Ghazal competition kee list maeN mojood hai.

Daad keliye dobara shukriya.

Khair andesh

Khurshidul H. Naiyer