Page 1 of 1
Lafz par Ashaar#4--"IBADATH "
Posted: Wed Feb 23, 2005 1:11 pm
by syed bilal armaan
Ab ek naya unwan(topic) hazir hai "IBADATH ".
is unwan par bhi app apne pasandida ashar bhejein. (-BILAL)
roz taroun ki IBADATH main kalal padta hai
chand pagal hai andher'oun main nikal padta hai.
Posted: Thu Feb 24, 2005 5:31 am
by Hashmat Usmani
gir ke kal paanuuN pe uske ek bosaa de diyaa
sar ke bal sajde meN girnaa bhii ibaadat hii to hai
Hashmat Usmani
Posted: Thu Feb 24, 2005 12:33 pm
by Shummu
Apni Zaat ke mehwar mein tujhey Zum kar loon
Ibaadaton mein tera Ishq bhi raqam kar loon
Terey Ashkon se ho agar "Wazoo" na-mumkin
Mein terey Jissm Ki Matti se "Tayamum" kar loon
Posted: Fri Feb 25, 2005 8:33 am
by syed bilal armaan
jis ko haasil ho zindagi ka sha'or
us ka jeena bhi ek ibaadat hai...
Posted: Sat Feb 26, 2005 8:39 am
by Shummu
ibaadat karate hai.n jo log jannat kii tamannaa me.n
ibaadat to nahii.n hai ik tarah kii vo tijaarat hai
Posted: Sat Feb 26, 2005 1:25 pm
by syed bilal armaan
hum ney yo'un bhi teri ibaadat ki hai
ba wajoo hokar tere khat ki tilawat ki hai.
Posted: Sun Feb 27, 2005 10:45 am
by Ibn-e-siddique
saraapa rehn-e-ishq-o-naa.guzeer-e-ulfat-o-hastii
ibaadat barq ki karta hooN aur afsos Hasil ka
Ibaadat
Posted: Sun Feb 27, 2005 11:18 am
by Abdullah Nazir
[red]
Sir jhukaalene se mukammal nahiN houtaa sajdah
bandagi wo hei ke jis meiN hou Ibaadat dil se
[/color]
Nazir.
Ibaadat
Posted: Thu Mar 03, 2005 7:01 pm
by Abdullah Nazir
Nah poochiye ke ibaadat meiN aarzoo kyaa hei
bajuz tumhaare bhalaa mere robaroo kyaa hei.
Nazir.
Posted: Sat Mar 05, 2005 11:49 am
by syed bilal armaan
bilal! ibaadat kar lo ya phir mohabbat kar lo
waqt hi kitna hai azaa'n se namaz tak....
"ibaadat"
Posted: Sat Mar 05, 2005 2:36 pm
by Abdullah Nazir
Ibaadat karrahaa hooN bekhudii meiN
uThegaa sar nah tere aastaaN se
Nazir.