muHtaram Jb Badauni Sb

adaab

aap kaa ersaal kardah marSiyaa khul naheeN paa rahaa hai. na jaane yeh mere PC ka noqS hai yaa a'aam.

khair aNdesh

Khurshidul Hasan Naiyer

Khurshidul Hasan Naiyer wrote:muHtaram Jb Badauni Sb

adaab

aap kaa ersaal kardah marSiyaa khul naheeN paa rahaa hai. na jaane yeh mere PC ka noqS hai yaa a'aam.

khair aNdesh

Khurshidul Hasan Naiyer

moHtarmee Khurshidul Hasan Niyer Saahab, tasleemaat

inhee wojooHaat ke peshe nazar main Roman ko tarjeeh deta hooN.

Aap aisa kijiye :

Pl right click, then click at "show picture". It will be visisble.


MaiN marSiya Roman meN likh huwwa bhi irsaal kar raha hooN.

KhulooSkaar,
Jawaid


pahle Janab.e “Faiz” hameN choRkar gaye
phir “Qasmi”, “Niayazi” JahaN se guzar gaye

“Ahmad Faarz” jin se suKhan meN bahaar thee
ab gulsitaaN-e she’r ko veeraan kar gayee

ro ro ke Urdu kahtee hai “Ahmed Faraz” se
tum kya gaye keh dil ke sub armaan mar gaye

maayuusiyaN nah itni sukhan ko huuweeN kabhee
kitne hi is jahaan se ahl-e nazar gaye

purnam haiN ahle zauq ki aaNkheN woh kya kareN
lagta hai jaise Sabr ke paimaney bhar gaye

nasloN ko yaad aayeNge SadiyoN tak ai “Faraz”
asha’ar teer bunke jo dil meN utar gaye

hai hai suKhan ne dekhe thEy kaise Haseen Khuwaab
pal bhar meN TooT kar jo zameeN per bikhar gaye

Sub ki doa hai Khuld a’taa ho “Faraz” ko
Jo aj kooch a'arZee duniya se kar gaye