Page 1 of 1
aik Ghazal
Posted: Tue Oct 28, 2008 11:24 pm
by akhtaranjum
AHbab ki nazr aik ghazal....
aaap kii aara ka muntazir..
Akhtar Anjum
Re: aik Ghazal
Posted: Wed Oct 29, 2008 4:58 pm
by Muzaffar Ahmad Muzaffar
moHtaram Akhtar Anjum SaaHib tasleemaat!
Aap se Ghaleba" pehlee baar mulaqaat ho rahee hai. aap kee tashreef aawaree baae'c-e-musarrat hai. Allah aap ko khush-o-aabaad rakhe.
Aap kee Ghazal firdoos-e-naz^ar huee kiya kehne asha'aar kee lat^afat aor seHer angeziyat ne dil jeet liya. is khubSurat Ghazal kee takhleeq par meree jaanib se dilee daad aor mubarak baad qubool keejiye.
mujhe qawee ummeed hai keh aap yooN hee tashreef laate raheeN ge aor apne dilkash kalam se meHfil ko saja kar mamnoon farmaeeN ge. inshAllah!
Wassalam
Muzaffar AHmad Muzaffar
Re: aik Ghazal
Posted: Thu Oct 30, 2008 4:58 am
by jawaid badauni
Waah Akhtar Saahab waah!
aisee dushwaar radeef aur aise bolte ashaa'r. subH subH aap ki Ghazal nazar nawaz huuwee hai. aaj ka din achcha hi guzrega, Insha Allah.
meree daad qubool farmaiiye.
Naacheez,
Jawaid Badauni
Muscat - Oman
Re: aik Ghazal
Posted: Thu Oct 30, 2008 9:01 am
by sajhashmi
jawaid badauni wrote:Waah Akhtar Saahab waah!
aisee dushwaar radeef aur aise bolte ashaa'r. subH subH aap ki Ghazal nazar nawaz huuwee hai. aaj ka din achcha hi guzrega, Insha Allah.
meree daad qubool farmaiiye.
Naacheez,
Jawaid Badauni
Muscat - Oman
Jjawaid Badayuni Sahib khuda kare aap ka dinn achcha guzergaya ho!
aap ne Akhtar Anjum Sahib ki ghazal pasand kii iss ka matleb yeh k aap
bhi Mo laley ko pasand aur baretney valey heiN cheh khoob janab
Phir bhi Khoosh rahiyey
Syed Anwer Jawaid Hashmi ](./images/smilies/eusa_wall.gif "Brick wall")
Re: aik Ghazal
Posted: Thu Oct 30, 2008 7:04 pm
by jawaid badauni
sajhashmi wrote:jawaid badauni wrote:Waah Akhtar Saahab waah!
aisee dushwaar radeef aur aise bolte ashaa'r. subH subH aap ki Ghazal nazar nawaz huuwee hai. aaj ka din achcha hi guzrega, Insha Allah.
meree daad qubool farmaiiye.
Naacheez,
Jawaid Badauni
Muscat - Oman
Jjawaid Badayuni Sahib khuda kare aap ka dinn achcha guzergaya ho!
aap ne Akhtar Anjum Sahib ki ghazal pasand kii iss ka matleb yeh k aap
bhi Mo laley ko pasand aur baretney valey heiN cheh khoob janab
Phir bhi Khoosh rahiyey
Syed Anwer Jawaid Hashmi
S.Anwar Jawaid Hashmi SaHab,
aapkee baat ko samajhne se qaaSir hooN. apne mauqif ki wazahat farmaiye:
(1) mera tabsarah Akhtar Saahab ki ghazal per tha phir jawab aap ne kyuun diya hai?
(2) Mo Laley alfaz se aap ki kya murad hai?
(3) aap ne mujhe khush rahne ki du'a ke saath PHIR BHI alfaz ka istaimal kyuuN kiya hai?
aapke jawabaat ka muntazir,
Jawaid Badauni
Re: aik Ghazal
Posted: Fri Oct 31, 2008 1:29 pm
by Mahtab Qadr
janab Anjum Akhtar sahib
salaam e masnoon
aapki ghazal ka her sher apni nauyat ke aitebaar se munfarid aur waqt ki zaban ban kar qari ke zahn o dil ko mutasir kar raha hai. bahut khoob meri dili mubarakbaad pesh e khidmat hai.
is sher ne to poori qaum ki nabz par hath rakh dya hai, Allah aapko jazaye khair de aur qaum ko is masale mai hidayat ata farmaaye.aameen.
muttahid karna barha dushwaar hai is qaum ka
jis ke hoN maslak juda masjid juda , membar alag
niazmand
Mahtab
Re: aik Ghazal
Posted: Fri Oct 31, 2008 8:45 pm
by sajhashmi
mein majmoi tour per apni ghazal ko pasand kerney walouN ka shukriya ada kertey houey Mehtab Qadr saheb ki tawajuh
uss sheir ki janeb mabzoul kervata houN jo unhouN ne darj kertey houey Uss qoam ki bajaiey iss qoam kerdiya
tamam ehbaab ka shukriya
wassalam
Akhtar Anjum =D>
Re: aik Ghazal
Posted: Fri Oct 31, 2008 8:59 pm
by sajhashmi
Jawaid Badayuni Saheb Aadab!
Aap ne Akhtar Anjum Saheb k hawaley se jo nukat barae istafsaar darj kiyey unn ka jawab kya doouN
Moal lay ker aap bhi lalay likh sektey heiN abb bhi nah samajh aaiye tau meiN kya kerouN!
Akhtar Saheb ko jawab dena thaa bilkul durust mager yeh fermaiyey kya kisi aur ko tabsiraey kaa haqq nahiN
Phir bhi khoosh raheiN aur koi baat nagawar e khatir ya zehn o qalb per garaN guzri to mua`zzret
Syed Anwer Jawaid Hashmi
talib e illm o adeb [-o<