Page 1 of 1
Ghazal: 46thTarhi Moshaairah:Ahmad Ali Barqi Azmi
Posted: Thu Nov 06, 2008 8:45 am
by aabarqi
Ghazal: 46thTarhi Moshaairah {Urdubandhan}:Ahmad Ali Barqi Azmi
Re: Ghazal: 46thTarhi Moshaairah:Ahmad Ali Barqi Azmi
Posted: Fri Nov 07, 2008 1:46 pm
by Muzaffar Ahmad Muzaffar
moHtaram A'li AHmad Barqi SaaHib aadaab-o-tasleemaat! 
Mushae'rah meN aap kee shirkat se jis qadar mujhe khushee aor masarrat kaa eHsaas huwaa hai. use alfaaz^ meN bayaaN karnaa ju-e-sheer lana hai. meree dilee kaefiyat kaa andaazah Sirf maiN hee kar saktaa hooN. so aap kee tashreef aawaree jahaN ham sab ke liye baae'c-e-khushee hai. wahaN aap kee yooN bharpoor aamad baae'c-e-iftekhaar bhee hai. mujhe ummeed hai keh aap yooN hee tashreef laate raheeN ge aor apnee be panah she'eree aor takhleeqee SalaHiyatooN se ehl-e-mejlis ko mustafeed farmaate raheeN ge. inshAllah!
Aap kee t^arHee Ghazal HaseeN alfaaz^ aor purkashish tarakeeb kaa HaseeN imtejaaz hai. jazbah-o-kheyaal jawaN hai. khud aa'temaadee jo aap ke lab-o-lehjah kee pehchaan hai. kalam se Saaf z^aahir hai. zer-e-naz^ar kalam meN saadagee meN purkaaree paedah karne kaa kaamyaab tajrubah kiya geya hai. jo apnee jagah laai'q-e-daad hai. bahai'ciyat-e-majmua'ee Ghazal Ganjeenah-e-lafz^-o-mua'nee bhee hai aor mataa'-e-ranG-e-taGhazzul bhee. har miSra' qaabil taoSeef hai. is meN shubah kee koee gunjaai'sh naheeN keh aap ne apnee zood gaoee ke saath saath fannee pukhtagee ko haath se naheeN jaane diya. aor e'Sree rujHaanaat qalabee waardaat aor TaGhazzul kee chaashnee ne Kalam meN hamAahangee aor nudrat-e-bayaaN kee Aamezish shaamil kar dee hai. jis kee wajah se Ghazal dilkash aor SeHer angeez ho gaee hai.
meree jaanib se is kaamyaab shahkaar kee takhleeq par dilee daad aor mubarak baad qubool keejiye.
Muzaffar AHmad Muzaffar
Re: Ghazal: 46thTarhi Moshaairah:Ahmad Ali Barqi Azmi
Posted: Fri Nov 07, 2008 5:41 pm
by aabarqi
Poetic Compliment To Janab Muzaffar AHmad Muzaffar Sb
By Dr.Ahmad Ali Barqi Azmi
Ho Muzaffar ko Mubarak Roos ka Ilmi Safar
Ho muzaffar ko Mubarak Roos ka ilmi safar
Aath mulkon ke jahaan par ja rahe hai didahwar
Unka yeh Ezaaz hai is baat ka waazah suboot
Urdu duniya mein hain unke karname motabar
Shairi se unki hai ganj e maa'ni jalwahgar
Unke Rashhaat e qalam hain mazhar e fikr o nazar
Unka tarz e kaar hai nakhl e sa'adat ka samar
Unki adabi khidmatein hai marjah e ahl e nazar
Ja Rahe hain Masko ko ab wah Englistan se
Murgh e Urdu ne hain khole aaj barqi baal o par
Ahmad Ali Barqi Azmi[/size][/color]
Re: Ghazal: 46thTarhi Moshaairah:Ahmad Ali Barqi Azmi
Posted: Fri Nov 07, 2008 5:53 pm
by aabarqi
- Muazffar.gif (32.78 KiB) Viewed 714 times
Re: Ghazal: 46thTarhi Moshaairah:Ahmad Ali Barqi Azmi
Posted: Sun Nov 09, 2008 5:16 am
by sbashwar
Mohtaram Dr. Baarqi Saheb
Jo ahl-e-zarf haiN inko hi aane ki ijazat hai
Ye woh mehfil hai jismein koi begana nahiN aata
Mosharey mein bohat hi khubsoorat ghazal pesh ki hai. Har sher daad mangta hai.
Meri dher sari daad aur mubarakbaad arz hai.
Aapka mukhlis
Salem Bashwar
Re: Ghazal: 46thTarhi Moshaairah:Ahmad Ali Barqi Azmi
Posted: Fri Nov 14, 2008 6:52 am
by aabarqi
Mohtaram Salem Bashwar Sb
Aadaab O Tasleemaat
Aapne mera badhaya hausalah
Aapke husn e nazar ka shukriyah
Mukhlis
Ahmad Ali Barqi azmi
Re: Ghazal: 46thTarhi Moshaairah:Ahmad Ali Barqi Azmi
Posted: Sat Nov 29, 2008 9:29 pm
by haamidbaaqri
Assalaam o alaikum
mohtaram ahmad ali barqi sahib
hum apsay pehli baar mukhaatib hau rahay haiN.
maahay rawaaN kay micray per aapki kaavish hameN bahut acchi lagi.
hamaari dilee daad aur mubaarakbaad qubool farmaayeN
allah(sbhnwt)karay zoray qalam aur ziyaadah.
mukhlis
haamid baaqri