Mohtarami Muzaffar Ahmad Muzaffar Saheb
o eid mubarak

Takheer ke liye moazirat. Eid par aapka kalaam pasand aayaa.
Dili daad aur mubarakbaad qubool farmayeN.

Mukhlis
Salem Bashwar

mashallah bohat khoooooob

daad haazzir hai

Muzaffar Ahmad Muzaffar wrote:

yaaraan-e-meHfil aadaab-o-tasleemaat!

meree jaanib se tamaam arbaab-e-Anjuman ko dilee Eid Mubarak meree dua'aa hai keh khuda wand aap ko aesee hazaarooN Eidae'een se hamkinaar kare. Aameen! apnee aek naz^m pesh-e-khidmat hai. mulaHiZ^ah keejiye.

Eid Ka din hai!

Gul-e-muraad khilaao keh eid ka din hai!
reyaaZ^-e-dehr sajao keh eid ka din hai!

suNwaaro Gesu-e-hastee ko aaj jaaN de kar
koee to e'hd nibhaao keh eid ka din hai!

maiN jee raha hooN muHabbat meN khaak-e-paa ho kar
mujhe nah aaj uRaao keh eid ka din hai!

baRhe hee jatee kiyooN z^ulmat-e-shab-e-hijraaN
CharaaGh-e-raah jalao ke eid ka din hai!

rafu-e-Chaak-e-GareebaN kee fikr laazim hai
mujhe gale se lagao keh eid ka din hai!

t^uwaaf-e-kuchah-e-janaN kee a'z^mateeN taobah!
naSeeb apna jagao keh eid ka din hai!

nah beTho aaj ke din maekade meN tashnah lab
jigar kee payaas bujhao keh eid kaa din hai!

e'laaj-e-tangee-e-damaaN ko mere kaafee hai
wafaa ke deep jalao keh e'id ka din hai!

mujhe e'zeez haiN lamHaat-e-talkhee-e-daoraaN
nah mujh peh ashk bahao keh e'id kaa din hai!

maiN khu geya hooN hajoom-e-jahaN meN ae AHmad!
khudara DhoonD ke lao keh e'id kaa din hai!

Muzaffar :AHmad: Muzaffar

janaab Muzaffar :AHmad: Muzaffar SaHab

masha Allah

kya khoobSoorat soch hai kya khoobSoorat likhte haiN aap

Daad Haazir hai

Ismail ajaz khayaal