sbashwar wrote:Mohtaram Haamid Baaqri Saheb

wa alaikumussalaam
mohtaram salem bashwar saahib


humnay islam say seekha hai 'ebaadat karna
'ishqay moula meiN har ik banday ki khidmat karna

Bohat achcha sheir hai.
bahut bahut shukriya

is haseeN duniya meiN jee karkay shareefoN ki tarah
hum musalmaanoN ko hai 'aam sharaafat karna

Wah
shukriya

haaji bankar bhi jau insaan nahiN ban paaye
unka baykaar hua hajjo ziyaarat karna

bohat khoob.
shukriya

dekho zaahir nah karo 'ayb kisee kay warna
humkau pahunchayega dauzakh meiN yeh gheebat karna

Wah wah bohat khoob
bahut bahut shukriya

kat bhi sakti hai zabaaN 'ishq meiN tere moula
" itna aasaaN bhi nahiN tujh say mohabbat karna"

Allah himmat de, ameen. Wah.
ilaahi aameen.shukriya

odhkar sham o sahar humkau libaasay taqwa
apnay in qadmoN kau hai baicay barkat karna

Wah
shukriya

jau haiN naamard wohi maangtay phirtay haiN jahez
hai bajaa aisaoN peh haamid tira l'aanat karna

Ye sheir sabse zyada pasand aayaa.

zahay naseeb

Bohat khoob.

shukriya

Meri daad aur mubarakbaad qubool farmayeN.

Mukhlis
Salem Bashwar

tahira Masood wrote:bha'ee SaHeb

jee...farmaaiye

bojhat a'alaa

bohat hi a'alaa
laa jawaab

bahut bahut shukriya

Allah miyaaN qabul fermaaiN

ilaahi aameen
wassalam

Muzaffar Ahmad Muzaffar wrote:Biradaram Haamid Baaqri SaaHib Assalamo Alikum!

Ummeed hai kheriyat se hooN geY. aap kaa kalam dekh chukaa thaa lekin barwaqt daad-o-mubarak baad nah de sakaa jis ke liye sharmindah hooN. aor taakheer hotee gaee. ummeed hai darguzar farmaa deeN ge.

mushae'rah Urdu duniya Guzarish#41 ke liye aap kaa har dil a'zeez kalam naz^ar afrooZ huwaa. aap ne apne mizaaj, jibillat, Hamiyat-e-eemanee aor Ghaerat-e-Islamiee kaa waaZ^eH cuboot faraham karte huwe apne taacuraat eHsaasaat aor meHsusaat ko jazbaat kee be panah aawezish se milaa kar apnee tawaanaee-e-Qalam aor Quwwat-e-takhleeq kee u'mdah micaal qaae'm kee hai.

Aap ne shaae'ree ke bal butee par in HaseeN-o-iSlaaHee kheyalaat ko tajrube aor eHsaas kee rahooN par chalate huwe nah Sirf u'qdah-e-Zindagee ko wa kiya hai. balkeh Hayaat aafareeN peGhaam paham pohunchaayaa hai. aor saath hee saath Haayaat-e-daae'mee kaa pataa bhee diyaa hai. jo Sirf aor Sirf raZ^aa-e-Ilahee aor perawee-e-rasool-e-A'arabee(S) meN muZ^mir hai. Haerat kee baat yeh hai keh is u'qdah kushaee meN aap ne Ghazal ke Husn aor us kee azalee ra'anaaee ko bhee haath se naheeN jane diya. aor Ghazal ke fit^ree Husn ko baHaal rakhaa.

humnay islam say seekha hai 'ebaadat karna
'ishqay moula meiN har ik banday ki khidmat karna

mashAllah! SubhaanAllah!

is haseeN duniya meiN jee karkay shareefoN ki tarah
hum musalmaanoN ko hai 'aam sharaafat karna

mashAllah! SubhaanAllah!


haaji bankar bhi jau insan nahiN ban paaye
unka baykaar hua hajjo ziyaarat karna

mashAllah! SubhaanAllah!


dekho zaahir nah karo 'ayb kisee kay warna
humkau pahunchayega dauzakh meiN yeh gheebat karna

mashAllah! SubhaanAllah!


kat bhi sakti hai zabaaN 'ishq meiN tere moula
" itna aasaaN bhi nahiN tujh say mohabbat karna"

mashAllah! SubhaanAllah! Bohot khubSurat Girah lagee hai.


odhkar sham o sahar humkau libaasay taqwa
apnay in qadmoN kau hai baicay barkat karna

mashAllah! SubhaanAllah!


jau haiN naamard wohi maangtay phirtay haiN jahez
hai bajaa aisaoN peh haamid tira l'aanat karna

mashAllah! SubhaanAllah!

is khubSurat takhleeq par mere jaanib se dilee daad aor purkhulooS mubarak baad qubool keejiye.

Wassalam
Muzaffar A Muzaffar