Dushwar zameen meN mere chund taza ashaar
Posted: Mon Aug 24, 2009 10:06 pm
Ek beHud sangalakh wa ghair muraddaf zameen
meN kuch sher kahe haiN. Aapki graNqadr aara
ka muntazir hooN.
Nacheez
Jawaid Badauni
-------------------------------------------------------------
dikha sake nah unheN hum suKhan ki jadugaree
kuch unki tez nazar kuch hamaree behunaree
Tamam umr suna hai woh bemakaN hi raha
keh jis ne Khuwaab meN dekhi thee roz barahdaree
Mareez.e ishq ki teemar dariyaN tou huweeN
Nah kaam aaiee magar charagar ki charagaree
KhazaN ka daur jo hota tou sabr aa jata
yahaN tou fasle baharaN hai aur beSamaree
koii Khayal nah aayaa tire Khayal ke baad
isee aSar ko tou kahte haiN log jadugaree
WaTan ko choRne wale tiree saza hai yehee
aZaab-e Khanabadoshee aZaab-e darbadaree
TumheN nah KharoN ki Aadat nah taab dhoop ki hai
nah kar sakoge kabhi tum hamari humsafaree
woh ab kuch aur baRhane ko haiN sitam apne
miri nazar meN hai Jawaid yeh bhee Khushkhabaree
meN kuch sher kahe haiN. Aapki graNqadr aara
ka muntazir hooN.
Nacheez
Jawaid Badauni
-------------------------------------------------------------
dikha sake nah unheN hum suKhan ki jadugaree
kuch unki tez nazar kuch hamaree behunaree
Tamam umr suna hai woh bemakaN hi raha
keh jis ne Khuwaab meN dekhi thee roz barahdaree
Mareez.e ishq ki teemar dariyaN tou huweeN
Nah kaam aaiee magar charagar ki charagaree
KhazaN ka daur jo hota tou sabr aa jata
yahaN tou fasle baharaN hai aur beSamaree
koii Khayal nah aayaa tire Khayal ke baad
isee aSar ko tou kahte haiN log jadugaree
WaTan ko choRne wale tiree saza hai yehee
aZaab-e Khanabadoshee aZaab-e darbadaree
TumheN nah KharoN ki Aadat nah taab dhoop ki hai
nah kar sakoge kabhi tum hamari humsafaree
woh ab kuch aur baRhane ko haiN sitam apne
miri nazar meN hai Jawaid yeh bhee Khushkhabaree