Ek Ghazal ایک غزل
Posted: Mon Apr 26, 2010 2:19 am
Ghazal
rahe gaa ham peh yeh eHsaan-e-do-jahaaN ka tak?
zameeN yeh be-amaaN, be-dard aasmaaN kab tak?
Hisaab-e-besh-o-kam-e-zindagee miaaN! kab tak?
yeh fikr-e-sood, yeh andeshah-e-ziyaaN kab tak?
Thehar Zaraa keh ghaRee do ghaRee ko dam le leN
yeh aazmaa,isheN ai u'mr-e-raa,igaaN kab tak?
gumaaN to Khair gumaaN hai, yaqeeN yaqeeN kab hai?
jiYeN ge aise sahaaroN ke darmiyaaN kab tak?
kahaaN hai manzil-e-maqSood, kaun hai maqSood
nah jaane dekhiYe bhaTke yeh kaarwaaN kab tak?
bajaa keh aap ko shikwah hai ek zamaaneh se
magar yeh ranj-o-Gham-o-naalah-o-fuGhaaN kab tak?
hamee se naam-e-wafaa ik jahaaN meN raushan hai
hamee ko Khwaar kare gaa woh mehrbaaN kab tak?
ik aan baiTh leN maiKhaanah-e-muHabbat meN
sawaal-e-zuhd-o-gunah, fikr-e-een-o-aaN kab tak?
kabhee to chaarahgaree ho, koyee to dost mile
Hauyaat le ke phire gee kashaaN kashaaN kab tak?
yeh SubH-o-shaam kee gardish, yeh imtiHaaN "Sarwar"
bacho ge naawak-e-dunyaa se meree jaaN kab tak?
===============
غزل
رہے گا ہم پہ یہ احسان دو جہاں کب تک؟
زمیں یہ بے اماں، بیدرد آسماں کب تک؟
حساب بیش و کم زندگی میاں کب تک؟
یہ فکر سود، یہ اندیشہء زیاں کب تک؟
ٹھہر ذ را کہ گھڑی دو گھڑی کو دم لے لیں
یہ آزمائشیں اے عمر رائگاں کب تک؟
گماں تو خیر گماں ہے، یقیں یقیں کب ہے؟
جئیں گے ایسے سہاروں کے درمیاں کب تک؟
کہاں ہے منزل مقصود، کون ہے مقصود؟
نہ جانے دیکھئے بھٹکے یہ کارواں کب تک
بجا کہ آپ کو شکوہ ہے اک زمانہ سے
مگر یہ رنج و غم و نالہ و فغاں کب تک؟
ہمیں سے نام وفا اک جہاں میں روشن ہے
ہمیں کو خوار کرے گا وہ مہرباں کب تک؟
اک آن بیٹھ لیں میخانہ ء محبت میں
سوال زہد و گنہ، فکر این و آں کب تک؟
کبھی تو چارہ گری ہو، کوئی تو دوست ملے
حیات لے کے پھرے گی کشاں کشاں کب تک؟
یہ صبح و شام کی گردش یہ امتحاں سرور
بچو گے ناوک دنیا سے میری جاں کب تک؟