سلام تک نھیں کرتا جواب کیا دے گا
Posted: Sun Jul 04, 2010 2:55 pm
سلام تک نہیں کرتا جواب کیا دے گا
غزل
ڈاکٹر احمد علی برقیؔ اعظمی
وہ اپنے طرزِ عمل کا حساب کیا دے گا
’’سلام تک نہیں کرتا جواب کیا دے گا‘‘
نہیں ہے اُس سے توقع کوئی مجھے ہرگز
جو خار دے نہیں سکتا گلاب کیا دے گا
زبانِ حال سے کہتا ہے آج یہ بھوپال
وہ کرکے اب مجھے خانہ خراب کیا دے گا
کتابِ زیست کے میری ہیں مُنتشر اوراق
جو بے نصاب ہے خود وہ نصاب کیا دے گا
بہت سے میں نے نشیب و فراز دیکھے ہیں
اگر وہ آ بھی گیا انقلاب کیا دے گا
حجابِ ظاہر و باطن ہے حُسن کا زیور
نہیں ہے پاسِ حیا تو نقاب کیا دے گا
جسے نہیں ہے خبر اپنے کل کی خود برقیؔ
وہ مُجھ کو اب مری تعبیر خواب کیا دے گا
Aapki ghazal bohat pasand aayee. Maqte ke misra ula mein "KAL" mujeh samajh mein nahin aayaa.
Meri daad aur mubarakbaad arz hai.
Mukhlis
Salem Bashwar