soz-o-saaz-e-meHramaanaa! سوز و ساز محرمانہ کیا ہو ا؟
Posted: Tue Aug 24, 2010 10:31 pm
GHAZAL
soz-o-saaz-e-meHramaanaa kyaa huwaa?
haaYe woh daur-e-zamaanaa kyaa huwaa?
roz-o-shab kaa aanaa jaanaa kyaa huwaa?
woh jawaanee kaa zamaanaa kyaa huwaa?
woh nigaahoN se pilaanaa kyaa huwaa?
Gham bhulaane kaa bahaanaa kyaa huwaa?
qurbateN kyoN dooriyoN meN Dhal gayeeN?
roz kaa milnaa-milaanaa kyaa huwaa?
gardish-e-dauraaN! bataa, kuchh to bataa!
thaa yahaaN ik aashiyaanaa, kyaa huwaa?
i'shq kee sar-mastiyaaN jaatee raheeN
ranj-o-raaHat kaa fasaanaa kyaa huwaa?
woh niyaaz-o-naaz-o-kaif-o-sarKhushee
aaYe din baateN banaanaa kyaa huwaa?
kyoN naz^ar se ab naz^ar miltee naheeN?
jaan kar naz^reN churaanaa kyaa huwaa?
bujh gayee kyoN shama'-e-bazm-e-a'ashiqee?
woh mizaaj-e-kaafiraanaa kyaa huwaa?
koochah-e-dair-o-Haram se door door
hai agar meraa Thikaanaa, kyaa huwaa?
kyaa huwaa "Sarwar" jo too Khaamosh hai?
teraa soz-e-a'ashiqaanaa kyaa huwaa?
soz-o-saaz-e-meHramaanaa kyaa huwaa?
haaYe woh daur-e-zamaanaa kyaa huwaa?
roz-o-shab kaa aanaa jaanaa kyaa huwaa?
woh jawaanee kaa zamaanaa kyaa huwaa?
woh nigaahoN se pilaanaa kyaa huwaa?
Gham bhulaane kaa bahaanaa kyaa huwaa?
qurbateN kyoN dooriyoN meN Dhal gayeeN?
roz kaa milnaa-milaanaa kyaa huwaa?
gardish-e-dauraaN! bataa, kuchh to bataa!
thaa yahaaN ik aashiyaanaa, kyaa huwaa?
i'shq kee sar-mastiyaaN jaatee raheeN
ranj-o-raaHat kaa fasaanaa kyaa huwaa?
woh niyaaz-o-naaz-o-kaif-o-sarKhushee
aaYe din baateN banaanaa kyaa huwaa?
kyoN naz^ar se ab naz^ar miltee naheeN?
jaan kar naz^reN churaanaa kyaa huwaa?
bujh gayee kyoN shama'-e-bazm-e-a'ashiqee?
woh mizaaj-e-kaafiraanaa kyaa huwaa?
koochah-e-dair-o-Haram se door door
hai agar meraa Thikaanaa, kyaa huwaa?
kyaa huwaa "Sarwar" jo too Khaamosh hai?
teraa soz-e-a'ashiqaanaa kyaa huwaa?