Khalq Kis nay Kar di'ey arz-o-samaa meray li'ey
Aur taaroN ki bunee jhilmil ridaa meray li'ey
Rahmat-ul-lil aa'lameeN aur Saahib-e-Khulq-e-Azeem
Kis nay Bhaijaa hai Rasool-e-Khush adaa meray li'ey
Hai Karam Us kaa ke Us nay Kah diyaa Laa Taqnatoo
Aur Hikmat say bharaa Qur'aaN Diyaa meray li'ey
Zindagaani ki haraarat Us nay Bakhshee dahr ko
Mehr-e-aa'lamtaab ko Bakhshee zeyaa meray li'ey
SoorataiN haiN teen,Woh Suntaa hai bandoN ki pukaar
Baa'is-e-Rahmat hai meree har du'aa meray li'ey
Rab hai shah rag say qareeN,dil maiN MakeeN haiN Shaah-e-DeeN
Meraa dil hai Gosha-e-Ghaar-e-Hiraa meray li'ey
Woh hai Shaafi,Woh hai Kaafi,door Kartaa hai maraz
Hukm say Us kay hi naafe' hai dawaa meray li'ey
Shukr laazim hai Usi kaa,Phool kahtaa hai sadaa
Sehn-e-gulshan maiN chalee baad-e-sabaa meray li'ey
***********************TANWIR PHOOL***********************

Hamd pur acr hai. Allah hamare qalb hamesha hamd bar-ta'ala se bhar de.

Bahut bahut shukriyaa
Hamaisha du'aaoN maiN yaad rakhi'ey
JAZAAKALLAH
Wassalaam
(Tanwir Phool)