• MUTTAFARRIQ ASHAAR (NAAT)

Posted: **Sun Feb 20, 2011 6:06 am**

YEH MAT KAHO KE KHAN-E-HAQ AAFTAB HAI
KABAA TO SAJDA GAAHE RISAALAT MUA'AB HAI

USKE KARAM KE SAAMNE MERE GUNAH KYA
KYA USKI REHMATO KA BHI KOI HISAAB HAI
************************************************************************************
NA YEH ZAMEEN-O-FALAK THEY NA KAYNAAT RASOOL
TERE HI NOOR SE ROSHAN THI TERI ZAAT RASOOL

SAMANDARO KI SYAHI,QALAM DARAKHTO'N KEY
NA LIKH SAKE TERA EK SHOBA-E-HAYAT RASOOL

YEH ILTIJAA HAI MERE ASHK HO'N GAWAHO'N MEIN
HAIN TERE PAAS ZAMAANAT KE KAGHZAAT RASOOL

KOI ZAMAANE MEIN PYAASA NAZAR NA AAYEGA
HAI TERI AAL KI MUTTHI MEIN JAB FURAAT RASOOL

MERA YAQEEN HAI KOI NAAT LIKH NAHIN SAKTA
QALAM KE SAATH NAHIN HO JO TERI ZAAT RASOOL

QUBOOL HO TO SABA BAS YAHI TAMANNA HAI
JABEE'N HO USKI TERA DAR HO TA HAYAAT RASOOL
**********************************************************************************
UNKE DAR PE JAAKE BAS MEHVE DUA HO JAIYEI
BA AMAL HOKAR NABI KA MOJZA HO JAIYE

PHIR GHULAAM-E-MUSTAFA HONE KA PAAYENGE SHARAF
SHART YEH BHI HAI KE PEHLE BAWAFA HO JAIYE

BAS DAR-E-TAIBA PE TAAZEMAN JHUKA DEEJEY JABEE'N
SAJDA MAT KEEJEY MAGAR SAJDA NUMA HO JAIYE

KYA DUA MAQBOOL HOTI HAI WASEELEY KE BAGAIR
SILSILA DAR SILSILA DAR SILSILA HO JAIYE

QUWWAT-E-BAATIL KE AAGE SIR JHUKANA KUFR HAI
BE RIDAA HONA PARHE TO BE RIDA HO JAIYE

CHUMTE HI JAIYE NAQSH-E-KAFE PAAYE RASOOL
AUR ZAMEEN PE AASMANO KA PATA HO JAIYE
******************************************************************************
KALAAM-RIZWAN SABA BUDAUNI

Posted: **Sun Feb 20, 2011 6:50 am**

Mohtaram Rizwan Saba Budauni Saheb

PHIR GHULAAM-E-MUSTAFA HONE KA PAAYENGE SHARAF
SHART YEH BHI HAI KE PEHLE BAWAFA HO JAIYE

Urdubandhan par aapki aamad hamare liye ba'aic massarrat hai. Khush-amdeed.

Mukhlis
Salem Bashwar

Posted: **Thu Feb 24, 2011 6:57 am**

Posted: **Wed Apr 06, 2011 5:23 am**

Thank you for posting this

MUTTAFARRIQ ASHAAR (NAAT)

MUTTAFARRIQ ASHAAR (NAAT)

Re: MUTTAFARRIQ ASHAAR (NAAT)

Re: MUTTAFARRIQ ASHAAR (NAAT)

Re: MUTTAFARRIQ ASHAAR (NAAT)