yeh Hisaab-o-kitaab kee baateN یہ حساب وکتاب کی باتیں
Posted: Tue Mar 08, 2011 6:59 pm
yaaraan-e-bazm: aadaab!
muddat huyee keh aashtee-e-chashm-o-gosh hai!
ek a'rSeh ke ba'd HaaZ^ir ho rahaa hooN. qiSSah wohee puraanaa hai:
Gham-e-Habeeb, Gham-e-aarzoo, Gham-e-dunyaa!
so pehle do Gham ab teesre kaa shikaar ho kar reh gaYe haiN! phir bhee yeh ek Gham kyaa kam hai!
Urdu Anjuman kee t^araH par Ghazal pesh kar rahaa hooN. raaYe aur tabSireh se nawaaziye. shukriyah!
=======================
Ghazal
yeh Hisaab-o-kitaab kee baateN
"aisee haiN jaise Khwaab kee baateN"
Husn-o-raNg-o-shabaab kee baateN
regzaar-e-saraab kee baateN!
aaNsu,o! tum hee kuchh bayaan karo
i'shq-e-Hasrat-ma,aab kee baateN!
koyee seekhe to aap se seekhe
dil meN reh kar Hijaab kee baateN!
yaad hai, maiN hooN aur tanhaayee
dil hai aur aaN-janaab kee baateN
kyaa hameeN reh gaYe haiN sun,ne ko
yeh sawaal-o-jawaab kee baateN?
SubH-o-shaam aarzoo kaa manz^ar hai
aur shab iZ^t^iraab kee baateN!
Dhal chukee shaam-e-raNg-o-ra'naayee
ab haiN kaar-e-cawaab kee baateN!
ranj-o-Hasrat, umeed-o-naumeedee
i'shq ke haiN niSaab kee baateN
pehle dunaa se dil lagaate ho
us peh yeh iZ^t^iraab kee baateN!
koyee :Sarwar: bhalaa sune kyoN kar
tujh se Khaanah-Kharaab kee baateN!
muddat huyee keh aashtee-e-chashm-o-gosh hai!
ek a'rSeh ke ba'd HaaZ^ir ho rahaa hooN. qiSSah wohee puraanaa hai:
Gham-e-Habeeb, Gham-e-aarzoo, Gham-e-dunyaa!
so pehle do Gham ab teesre kaa shikaar ho kar reh gaYe haiN! phir bhee yeh ek Gham kyaa kam hai!
Urdu Anjuman kee t^araH par Ghazal pesh kar rahaa hooN. raaYe aur tabSireh se nawaaziye. shukriyah!
=======================
Ghazal
yeh Hisaab-o-kitaab kee baateN
"aisee haiN jaise Khwaab kee baateN"
Husn-o-raNg-o-shabaab kee baateN
regzaar-e-saraab kee baateN!
aaNsu,o! tum hee kuchh bayaan karo
i'shq-e-Hasrat-ma,aab kee baateN!
koyee seekhe to aap se seekhe
dil meN reh kar Hijaab kee baateN!
yaad hai, maiN hooN aur tanhaayee
dil hai aur aaN-janaab kee baateN
kyaa hameeN reh gaYe haiN sun,ne ko
yeh sawaal-o-jawaab kee baateN?
SubH-o-shaam aarzoo kaa manz^ar hai
aur shab iZ^t^iraab kee baateN!
Dhal chukee shaam-e-raNg-o-ra'naayee
ab haiN kaar-e-cawaab kee baateN!
ranj-o-Hasrat, umeed-o-naumeedee
i'shq ke haiN niSaab kee baateN
pehle dunaa se dil lagaate ho
us peh yeh iZ^t^iraab kee baateN!
koyee :Sarwar: bhalaa sune kyoN kar
tujh se Khaanah-Kharaab kee baateN!