Mujhe khatra nahi sood o zia’n ka
Khula rehne do darwaza maka’n ka

Na fasle gul na mausum hai khiza’n ka
Likhun ehwall kese gulsita’n ka

Bura ho khana e ashke rawa’n ka
Fasana likh diya dard e niha’n ka

Hawa jab rukh badal de badba’n ka
Koi pehlu nahi bachta amaa’n ka

Qaseeda kya likhu khushbu rasa’n ka
Khasara ho gaya phoolo’n ki jaa’n ka

Hawa jab ho gaye meri mukhalif
Ujala lut gaya mere maka’n ka

Tumhe ruswaiya’n sehni padengi
Bharosa kyo’n kiya tha razda’n ka

Musalsal sazishe’n hain bijliyo’n ki
Bada mushkil hai bachna ashiya’n ka

Tumhe ruswaiya’n sehni padengi
Bharosa kyo’n kiya tha razda’n ka

Waah bhai Waah... Kya khoob kahi.

Ghazal pe Daad qobool kiziye.

armaan