kuchh tabSirah nigaaree ko qaNd e namoo kareN
Posted: Tue Jun 07, 2011 7:12 pm
Khayaal ek baar phir apne tarotaazah kalaam ke saath urdubandhan ke chaahne waaloN ko salaam kaihtaa hai
arz e Khidmat hai
bulbul ke saath hum bhee abb kuhoo kuhoo kareN
phir Khatm hoN yeh talKhiyaaN ! sheereeN guloo kareN
gulshan meN Andaleeb haiN kitne usaad jo
raNg e chaman o gul mire be raNg o boo kareN
dunyaa meN hogee dhoom jab urdu zabaan kee
lowgoN kaa eHtiraam sabhee koo bah koo kareN
ilm e Arooz aap ne seekhaa tamaam umr
kuchh tabSirah nigaaree ko qaNd e namoo kareN
apne mizaaj meN bhee kuchh tabdeelee laa'iye
guftugoo bhee aap Zaraa KhaNdaaN roo kareN
dikhne lageN gee aap ko sab meN hee KhoobiyaaN
gar aap Khud kee KhaamiyoN kee justujoo kareN
sharmiNdah hoN ge aap bhee aa'eenah dekh kar
hum bhee agar janaab ko aa'eenah roo kareN
hai Khamushee se raaz kee hee Khair har taraf
har baat ko "Khayaal" se bhee Khoobroo kareN
Ismail Ajaz Khayaal
arz e Khidmat hai
bulbul ke saath hum bhee abb kuhoo kuhoo kareN
phir Khatm hoN yeh talKhiyaaN ! sheereeN guloo kareN
gulshan meN Andaleeb haiN kitne usaad jo
raNg e chaman o gul mire be raNg o boo kareN
dunyaa meN hogee dhoom jab urdu zabaan kee
lowgoN kaa eHtiraam sabhee koo bah koo kareN
ilm e Arooz aap ne seekhaa tamaam umr
kuchh tabSirah nigaaree ko qaNd e namoo kareN
apne mizaaj meN bhee kuchh tabdeelee laa'iye
guftugoo bhee aap Zaraa KhaNdaaN roo kareN
dikhne lageN gee aap ko sab meN hee KhoobiyaaN
gar aap Khud kee KhaamiyoN kee justujoo kareN
sharmiNdah hoN ge aap bhee aa'eenah dekh kar
hum bhee agar janaab ko aa'eenah roo kareN
hai Khamushee se raaz kee hee Khair har taraf
har baat ko "Khayaal" se bhee Khoobroo kareN
Ismail Ajaz Khayaal