Ghazal: zahe naSeeb! غزل: زہے نصیب
Posted: Tue Sep 13, 2011 12:44 am
yaaraan-e-bazm: aadaab!
Urdu Anjuman meN t^araH dee gayee hai:
chiraaGh a'ql-o-Khirad ke bujhaa diYe too ne
is t^araH meN meree Ghazal pesh hai. shukriyah
Sarwar A. Raz "Sarwar"
===========================
Ghazal
zahe-naSeeb! ba-raNg-e-dawaa diYe too ne
jo dard bhee diYe, Had se siwaa diYe too ne!
niyaaz-o-naaz ke jhagRe miTaa diYe too ne
woh raaz-e-a'ashiqee pyaare sikhaa diYe too ne!
nigaah-e-shauq peh pehre biThaa diYe too ne
hazaar shehr-e-Kharaabaat Dhaa diYe too ne!
tire siwaa naheeN jachtaa koyee nigaahoN meN
woh saaGhar-e-mai-e-do-aatishaa diYe too ne
Khushee se ham ne jinheN Hirz-e-jaaN banaayaa hai
kuchh aise ranj bhee naam-e-Khudaa diYe too ne!
bhalaa ho teraa Gham-e-yaad-e-raftagaan-e-shauq
qadam qadam gul-o-laalah khilaa diYe too ne!
yeh a'arifaanah tajaahul, yeh rasm-e-kam-nigahee
t^araH t^araH se fareb-e-wafaa diYe too ne!
har ek Zarrah hai aa,eenah meree Hairat kaa
Hijaab saare yeh kaise uThaa diYe too ne?
adaa ho shukr tiraa kis t^araH shab-e-hijraaN?
keh yaad kitne fasaane dilaa diYe too ne!
lagaa ke rog muHabbat kaa kis liye "Sarwar"
"chiraaGh a'ql-o-Khirad ke bujhaa diYe too ne?"
==========================
[/size][/b]Urdu Anjuman meN t^araH dee gayee hai:
chiraaGh a'ql-o-Khirad ke bujhaa diYe too ne
is t^araH meN meree Ghazal pesh hai. shukriyah
Sarwar A. Raz "Sarwar"
===========================
Ghazal
zahe-naSeeb! ba-raNg-e-dawaa diYe too ne
jo dard bhee diYe, Had se siwaa diYe too ne!
niyaaz-o-naaz ke jhagRe miTaa diYe too ne
woh raaz-e-a'ashiqee pyaare sikhaa diYe too ne!
nigaah-e-shauq peh pehre biThaa diYe too ne
hazaar shehr-e-Kharaabaat Dhaa diYe too ne!
tire siwaa naheeN jachtaa koyee nigaahoN meN
woh saaGhar-e-mai-e-do-aatishaa diYe too ne
Khushee se ham ne jinheN Hirz-e-jaaN banaayaa hai
kuchh aise ranj bhee naam-e-Khudaa diYe too ne!
bhalaa ho teraa Gham-e-yaad-e-raftagaan-e-shauq
qadam qadam gul-o-laalah khilaa diYe too ne!
yeh a'arifaanah tajaahul, yeh rasm-e-kam-nigahee
t^araH t^araH se fareb-e-wafaa diYe too ne!
har ek Zarrah hai aa,eenah meree Hairat kaa
Hijaab saare yeh kaise uThaa diYe too ne?
adaa ho shukr tiraa kis t^araH shab-e-hijraaN?
keh yaad kitne fasaane dilaa diYe too ne!
lagaa ke rog muHabbat kaa kis liye "Sarwar"
"chiraaGh a'ql-o-Khirad ke bujhaa diYe too ne?"
==========================