Salaam baHuZoor-e-Risaalat ma'aab
Note : Zaroorat-e-sheiri ke taHt "ASSalaat-o-wassalaam" kaa awaami
talaffuZ iste'maal huwaa hai. Isay "Aap ( ) par laakhoN Salaam"
bhi paRhaa jaa saktaa hai.

سلام

اے شفیع روز محشر ! الصلوۃ والسلام

مالک تسنیم و کوثر ! الصلوۃ والسلام

باعث تخلیق عالم ، صاحب لولاک ہیں

آپ ہیں محبوب داور ، الصلوۃ والسلام

اس میں کوئ شک نہیں ہے ساری مخلوقات کے

آپ ہیں سردار و سرور ، الصلوۃ والسلام

آپ کے اصحاب ہیں روشن ستاروں کی طرح

آپ ہیں ماہ منور ، الصلوۃ والسلام

آپ کے صدیق ہیں اور آپ کے فاروق ہیں

آپ کے عثمان و حیدر ، الصلوۃ والسلام

آپ کے عمار ہیں اور آپ کے یاسر بھی ہیں

آپ کے سلمان و بوذر ، الصلوۃ والسلام

عائشہ نے دی گواہی ، منبع نکہت ہیں آپ

آپ اطہر اور مطہر ، الصلوۃ والسلام

رحمت للعالمیں ، خالق ہے رب العالمیں

رحمت خالق کے مظہر ! الصلوۃ والسلام

تاقیامت آپ ہادی ہیں ، یہی قرآں کہے

انس وجاں کے آپ رہبر ، الصلوۃ و السلام

آپ پر تکمیل دیں ہے ، آپ ختم الانبیا

آخری صادق پیمبر ! الصلوۃ والسلام

پھول کو بھی یاد رکھۓ گا بروز حشر آپ

آپ محشر میں ہیں یاور ، الصلوۃ والسلام

( تنویرپھول )