قارئین کرام ایک تازہ کلام لیے طویل مدت کے بعد حاضرِ خدمت ہوں پیشِ خدمت ہے امید ہے پسند آئے گا ، اپنی آرا سے نوازیے
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔
جب سے الفت کو دل سے نکالا گیا
گلشنِ دل میں ہر سُو زوال آ گیا
ٹوڑتے تم رہے میرا دل بارہا
تم سے دل بھی نہ میرا سنبھالا گیا
جس کی چہکار پر سب ہوئے تھے فدا
کب سُنا ان سے بلبل کا نالا گیا
ظالموں کو سراہا گیا ہر طرف
بے کسوں کو نہیں دیکھا بھالا گیا
عمر بھر جس کی انہونی تھی زندگی
اس سے ہونی کو اپنی نہ ٹالا گیا
ظلمتوں نے ہے دل میں اندھیرا کیا
نور سے دل نہیں جب اجالا گیا
اس سے بڑھ کر خسارہ بھی ہو اور کیا
ہے محبت کو نفرت سے پالا گیا
ہم خیالؔ آدمیت پہ الزام ہیں
ہم کو حیوانیت میں ہے ڈھالا گیا
۔۔۔۔۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ