اب اور سُنی جائے نہ آشفتہ بیانی
Posted: Sun Jul 05, 2020 7:47 am
قارئین کرام ایک تازہ غیر مردّف کلام پیشِ خدمت ہے امید ہے پسند آئے گا ، اپنی آرا سے نوازیے
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔
ہیں پکنے لگے کان مرے سُن کے کہانی
اب اور سُنی جائے نہ آشفتہ بیانی
دعوں پہ جب اُتری نہیں تو تھام کے کھمبا
کِھسیاتے ہوئے نوچتی ہے بلّی سِیانی
کوّے نے چلی ہنس کی اِترا کے نئی چال
خود اپنی مگر بھول گیا چال پُرانی
دن رات گرجتے رہے بادل مرے گھر پر
اک بوند بھی برسا نہیں پر ان میں سے پانی
ہم کس پہ بھروسہ کریں دل دینے سے پہلے
الفت کا بھرم رکھتے ہیں سب لوگ زبانی
لوٹا دو مجھے میرے وہ بچپن کے حسیں دن
تھی پریوں کے قصّوں کو سناتی مری نانی
نفرت کو سکونت کی ملی دل میں اجازت
الفت کی ہوئی دل سے جبھی نقل مکانی
پیری میں کمر ہوتی نہیں دیکھیے سیدھی
تھا وقت ہوا کرتی تھی منہ زور جوانی
ہے تم کو خیالؔ آج مِلا وقت غنیمت
اس وقت کی تم نے تو کوئی قدر نہ جانی
۔۔۔۔۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ