جب اپنی حالتِ غم جاں بلب سمجھتے ہیں
Posted: Mon Sep 07, 2020 6:16 am
قارئین کرام آداب عرض ہیں ایک سال پرانا کلام پیشِ خدمت ہے ، امید ہے پسند آئے گا ، اپنی آرا سے نوازیے ،شکریہ
عرضِ خدمت ہے
۔۔۔۔۔۔۔۔۔۔۔۔۔۔۔۔۔۔
وہ اپنے تیور و گفتار کب سمجھتے ہیں
ستانا ہم کو جو دل کی طرب سمجھتے ہیں
ہم ان کا طرز تکلم غضب سمجھتے ہیں
جب اپنی حالتِ غم جاں بلب سمجھتے ہیں
ادب سے ان کا لگاؤ یہ کس طرح کا ہے
ادب لحاظ جو کارِ عجب سمجھتے ہیں
عقیدتوں کے تجاوز میں ہو کے سب اندھے
جو بُت تراشتے ہیں اُس کو رب سمجھتے ہیں
خُدا کے ساتھ جو کر لیں شریک پتّھر کو
انہیں بھی لوگ مسلمان اب سمجھتے ہیں
ہماری آنکھ سے اوجھل ہو کیسے نظّارہ
جو بدلا آپ نے منظر ہے سب سمجھتے ہیں
گلہ ہے آپ کو ہم سے بدل گئے ہیں لوگ
خلوص پیار مگر آپ کب سمجھتے ہیں
یقیں نہ آئے ہمیں لوٹتے ہیں کب رہبر
ہم اپنا آپ لٹاتے ہیں تب سمجھتے ہیں
تڑپ رہے ہیں محبت کا کر کے ہم اظہار
ملا جو پیار ہمیں روز و شب سمجھتے ہیں
خیالؔ بات جو کہیے تو دلنشیں کہیے
کہ لب جو ہولے سے ہلتے ہیں سب سمجھتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توجہ کا طلبگار
اسماعیل اعجاز خیالؔ