ہم کو بھی اب آپ سے وہ پیار نہیں ہے
Posted: Wed Oct 14, 2020 6:30 am
قارئین کی ِخدمت میں خیال کا آداب ایک ایک سال قبل لکھے کلام کے ساتھ حاضر خدمت ہوں امید ہے پسند آئے گا اپنی آرا سے نوازیے شکریہ
عرض کیا ہے
۔۔۔۔۔۔۔۔۔۔۔۔۔۔۔۔۔
آپ کو ہم پر جو اعتبار نہیں ہے
ہم کو بھی اب آپ سے وہ پیار نہیں ہے
بیٹھے ہیں ہم راستے میں پلکیں بچھائے
ہم کو کسی کا بھی انتظار نہیں ہے
جن کے لب و لہجے نفرتوں سے بھرے ہیں
ان کو محبت پہ اختیار نہیں ہے
تم سے امیدیں لیے جو قوم ہے پل پل
اس کو یہ امّید بار بار نہیں ہے
دیں وہ ثبوت اپنی پارسائی کا جن میں
دوغلے کردار کا شعار نہیں ہے
زندگی گمراہیوں میں اپنی گزاری
اس پہ تری آنکھ اشکبار نہیں ہے
عشق و محبت ہَوَس کا نام ہے جگ میں
تجھ پہ ہُوا کیوں یہ آشکار نہیں ہے
شمع جلے گی خیالؔ کس کے لیے اب
جلنے کو پروانہ بے قرار نہیں ہے
۔۔۔۔۔۔۔۔۔۔۔۔۔۔۔۔۔۔۔
آپکی توجہ کا طلبگار
اسماعیل اعجاز خیالؔ