قارئین کی خدمت میں خیال کا آداب ایک تازہ کلام کے ساتھ حاضر خدمت ہوں امید ہے پسند آئے گا
اپنی آرا سے نوازیے شکریہ
عرض کیا ہے
۔۔۔۔۔۔۔۔۔۔۔۔۔۔۔۔۔
جو رب کے آگے سر جھکاؤ گے
تو سرخروئی کو ہی پاؤ گے
جو ہوشیاریاں دِکھاؤ گے
غموں کا بوجھ بھی اُٹھاؤ گے
جو مر کے چین تم نہ پاؤ گے
تو بولو پھر کدھر کو جاؤ گے
کسی کا تم جو دل دُکھاؤ گے
خود اپنی آگ کو جلاؤ گے
کسی سے دل اگر لگاؤ گے
تو بے خودی میں مسکراؤ گے
نظر سے جب نظر ملاؤ گے
حصار سے نکل نہ پاؤ گے
کسی کو جانِ من بناؤ گے
بہشت کے مزے اُڑاؤ گے
ادب کی بات اگر چلاؤ گے
صلہ ادب کا تم بھی پاؤ گے
خلوص و پیار کو بڑھاؤ گے
تو ہم سے ہاتھ تم ملاؤ گے
ہمیں اگر گلے لگاؤ گے
خیالؔ خود کو بھول جاؤ گے
۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ