محسوس دل کے درد کو اتنا نہ کیجیے

[ismail ajaz]

قارئین کرام ۲۰اپریل ۲۰۲۱ کو لکھا کلام پیشِ خدمت ہے امّید ہے پسند آئے گا
عرضِ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا میں ہر کسی پہ بھروسا نہ کیجیے
امید پر کسی کو بھی رکّھا نہ کیجیے

ہم کٹ گئے زمانے سے اپنی انا لیے
اب ہم سے کٹ کے آپ تو تنہا نہ کیجیے

سچائیوں کا سامنا کرنا پڑے اگر
آئینہ دیکھ کر برا چہرہ نہ کیجیے

الفت جتا رہا ہے کوئی ہو کے پرخلوص
للّہ مان جائیے روٹھا نہ کیجیے

احسان کچھ تو کیجیے انسانیت کے ساتھ
حیوانیت کے رنگ کو اپنا نہ کیجیے

لگنے لگیں نہ آپ سبھی کو ہی بدتمیز
یوں گفتگو میں منہ کوتو ٹیڑها نہ کیجیے

عقل و خرد میں آپ کا ثانی نہیں کوئی
دانشوری میں بےتکی چھوڑا نہ کیجیے

مانا کہ دردِ دل سے بڑھیں دل کی تلخیاں
محسوس دل کے درد کو اتنا نہ کیجیے

جب دشمنوں سے آپ کی پکّی ہیں یاریاں
پھر دوستوں سے دوستی چاہا نہ کیجیے

رکھیے خیالؔ آپ تو شرم و حیا کا پاس
اوقات کی حدود سے نکلا نہ کیجیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ اک طلبگار
اسماعیل اعجاز خیالؔ