پھر سامنا نہ ہو ہمیں روکا تو کیجیے

[ismail ajaz]

قارئین کرام ایک تازہ کلام پیشِ خدمت ہے امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔
ہم سے خفا ہیں آپ جو شکوا تو کیجیے
پھر سامنا نہ ہو ہمیں روکا تو کیجیے

نکلے غبار آپ کا قصّہ بھی ہو تمام
تسکینِ دل کے واسطے اتنا تو کیجیے

ہر بات میں برائی نہیں ڈھونڈیے حضور
اچھائیوں کی سَمت بھی دیکھا تو کیجیے

چپ چاپ دیکھتے ہوئے جانے لگے ہیں آپ
دو چار لفظ پیار کے بولا تو کیجیے

سُن کر ہماری بات سبھی کو بتا دیا
سچّائی کتنی ہے ذرا جانا تو کیجیے

الفت کا آپ نے دیا نفرت سے کیوں جواب
کیا کہہ رہے ہیں آپ یہ سوچا تو کیجیے

مانا کہ ہم سے آپ کو بالکل نہیں ہے پیار
لیکن ہمارے پیار کو سمجھا تو کیجیے

ہر وقت آپ رہتے ہیں غصّے میں کیوں خیالؔ
کچھ پل خلوص و پیار کے رکھا تو کیجیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ