• is HAFTE kaa lafz hai ... "RAAT yaa SHAB" par ash'

Posted: **Mon May 02, 2005 3:20 am**

salaam dosto,

maiN ne moHtaram janaab-e-Syed Bilal "Armaan" saaHib kaa kaafii der intezaar kiyaa...lagtaa hai mausoof kahiiN amshGhool haiN aur idhar ka chakkar nahiN laga sake.

is liye, majbooran maiN ne is hafte ke liye lafz chunaa hai...RAAT yaa SHAB.

to please aap log ash'aar raqam kijiiye...shukria.

kaamraan yuuN thaa meraa baKht-e-javaaN kal raat ko
jhuk rahaa thaa mere dar pe aasmaaN kal raat ko

Jagannath Aazaad

Posted: **Mon May 02, 2005 3:42 am**

raat bhar sooraj kisi ke sir pe manDlaata raha
din me tare toRne ki rasm dohraaee gaee
najma

Posted: **Mon May 02, 2005 5:21 am**

Husn jab thaa 'ishq ke ghar mahmaaN kal raat ko
uTh chukaa thaa har Hijaab-e-darmiyaaN kal raat ko

Jagannaath Aazaad

Posted: **Mon May 02, 2005 12:41 pm**

raat kaaNToN pe basar ho to Ghazal hoti hay
shab-e-hijraaN ki sahar ho to Ghazal hotii hay
najma

Posted: **Tue May 03, 2005 2:55 am**

raat aankhaoN se mirii neend churaate kiyooN hou

aur tanhaa mujhe phir chouR ke jaate kiyuN hou.

Nazir.

Posted: **Tue May 03, 2005 4:24 am**

kaash ban jaatii Hayaat-e-jaavidaaN kal raat ko
kis_qadar maHbuub thii 'umr-e-ravaaN kal raat ko

Jagannaath Aazaad

Posted: **Tue May 03, 2005 11:59 am**

assalam walekum.
hashmi sahab! app ka shukriya ke app ne is martaba ka unwan diya. tabiyaat ke na saaz hone ki wajhe se main kai dinoun se nahi a paya maffi chahounga.

raat ayi tou chand sa chahera
le ke aya sharab ankhoun main

Posted: **Tue May 03, 2005 12:36 pm**

raat sone lagii, subHa hone lagii
shamm'a bujhne lagii, dil machalne lage
waqt kii raushnii meN nahaaii huii
zindagii pe 'ajab saa nikhaar aa gayaa

Roshan Nanda

Posted: **Tue May 03, 2005 12:44 pm**

pareshaaN raat taari hay, sitaro tum to so jao
sukoot-e-marg tarii hay, sitaro tum to so jao

Posted: **Tue May 03, 2005 1:11 pm**

shab tum jo bazm-e-Ghair meN aaNkheN churaa gaye
khoye gaye ham aise k aGhyaar paa gaye

Momin KhaaN "Momin"

Posted: **Tue May 03, 2005 7:36 pm**

donoN jahaan terii mohabbat meiN haar ke
lo jaarahaa hay koee shab-e-Gham guzaar ke

Posted: **Wed May 04, 2005 2:59 am**

dil agar tanhaa meraa tiir-o-kamaaN kii zad pe thaa
dil kii zad par bhii rahe tiir-o-kamaaN kal raat ko

Jagannaath Aazaad

Posted: **Wed May 04, 2005 9:08 am**

shaam dehleez pe aaeygii lye shab ka khiraaj
zar-fishaaN sub,h ki jab pehlii kiran hay itnii
khawar qureshi

Posted: **Wed May 04, 2005 10:03 am**

ik wo, keh shab ko soorat-e-rang-e-sahar kareN
ik ham, keh jinko raat pe, din ka qayaas hay
bakhsh

Posted: **Wed May 04, 2005 10:09 am**

tum raushni meiN raat ke asbaab ki tarah
ham teeragii meiN kirmak-e-shab-taab ki tarah
bakhsh