میں لا ابالی سا دریا رواں دواں تھا خیالؔ
Posted: Wed Apr 02, 2025 8:20 pm
یہ کلام ۳۱ جنوری ۲۰۲۵ میں لکھا گیا
قارئین کرام ایک تازہ کلام پیشِ خدمت ہے ، امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہارے ساتھ اگر رہنے کی ہوئی خواہش
تمہارے ظلم ہمیں سہنے کی ہوئی خواہش
تمام زندگی کچھ بھی نہیں کہا تم سے
دمِ اخیر مگر کہنے کی ہوئی خواہش
سحابِ درد کبھی چھا گیا جو سینے میں
توا شک رنج و الم بہنے کی ہوئی خواہش
محبتوں کے فقط لفظوں پر نہ ٹرخاؤ
کہ موتیے سے بنے گہنے کی ہوئی خواہش
ہمارا مطلبی دنیا سے بھر چکا ہے دل
یہ بات سب سے ہمیں کہنے کی ہوئی خواش
تھکن سے چُور ہوئے گھر جو لوٹ کر آئے
جو اب سکون سے گھر رہنے کی ہوئی خواہش
ہمارے چاروں طرف لوگ خود غرض ہیں سبھی
ہے جن کے پاس ہمیں رہنے کی ہوئی خواہش
میں لا ابالی سا دریا رواں دواں تھا خیالؔ
ندی کے ساتھ مگر بہنے کی ہوئی خواہش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ