Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Thu May 26, 2005 3:27 am

jijr kii shab tou wo maah rukh tou milaa nah mujhse kisi TaraH

miraa dil fasarurdah rahaa bahut miri aankh se thaa ravaan luhoo.

"wao"

Nazir.[/i]

Abdullah Nazir · Post by **Abdullah Nazir** » Thu May 26, 2005 3:51 am

laakh samjhaooN magar tum nah kabhi maanouge

yooN hii takraar meiN yeh raat guzar jaayegi.

yooN / jaaegi

Nazir.

Post by **Hashmat Usmani** » Thu May 26, 2005 5:06 am

yuuN unkii bazm-e-KhaamoshiyoN ne kaam kiyaa
sab ne merii muHabbat kaa ehtaraam kiyaa

Sa'eed Raahii

SAB / KIYAA

Post by **najma** » Thu May 26, 2005 8:59 am

sab kuch khudaa se maang liya tujh ko maangkar
uThte naheeN haiN haath mire, is duaa ke ba,d
uThte/ba,d

Post by **najma** » Thu May 26, 2005 11:55 am

wo to unka zarf tha, aur ye hamara hauslah
zulm wo karte rahay, ham marhaba kehte rahay
najma

zulm/rahay

Post by **najma** » Thu May 26, 2005 9:02 pm

thii aaas hameN jin se , wohii ehd meiN apne
karte haiN inhiraaf, baRee bhool hogaee

karte/hogaee

Post by **Hashmat Usmani** » Sat May 28, 2005 3:37 am

thaa muste'aar Husn se uske jo nuur thaa
Khurshiid meN bhii usii kaa zarraa-e-zahuur thaa

Meer Taqii Meer
Khursheed / thaa

Abdullah Nazir · Post by **Abdullah Nazir** » Sun May 29, 2005 8:21 pm

samjhe thay uske lab pah nah houngi shikaayateN

zaalim ne ham se wadah kiyaa aur mukar gayaa.

(zaalim / gayaa)

Nazir.

Post by **najma** » Sun May 29, 2005 8:28 pm

gaya, to saath mirii rooh ka dhuwaaN le-kar
khayal-e-yaar ne choRa na saath jeete jee
nafis ahmad siddiqui

Post by **najma** » Mon May 30, 2005 9:49 pm

ye na thi hamari qismat, keh visaal-e-yaar hota
agar aur jeete rehte, yehii itizaat hota

agar/hota

Post by **najma** » Mon May 30, 2005 10:22 pm

kabhi kabhi mire dil meiN khayaal aataa hay
keh jaise tujh ko banaya gaya hay mere liye

keh/liye

Post by **najma** » Tue May 31, 2005 12:11 pm

haaey ray insaan ki majbooriyaaN
paas reh ka bhi haiN kitni duuriyaaN

paas/duuroyaaN

Post by **Hashmat Usmani** » Wed Jun 01, 2005 2:18 am

huye haiN tum pe 'aashiq ham, bhalaa maano, buraa maano
yeh chaahat ab na hogii kam, bhalaa maano, buraa maano

YEH / MAANO

Post by **najma** » Wed Jun 01, 2005 12:15 pm

aaee to har balaa, magaraa aa ke Tal gaee
najma! ye sab kisii kiduaaoN ka hay acar

najma/acar

Abdullah Nazir · Post by **Abdullah Nazir** » Fri Jun 03, 2005 11:19 am

ranj o gham se raah-e-ulfat mein mafar mumkin nahiN

Phir bhii tum ko dekhte hii muskuraadete heiN ham.

(phir /ham)

Nazir.