Sher ke doosre misre ke pehle/aakhri alfaaz se sher kahiye!

Post by **najma** » Fri Jun 03, 2005 12:58 pm

phir aseeroN meiN nazar aate haiN aacaar-e-junooN
aur kuch ooNchhi zar deeaawr-e-zindaaN kijiye
najma

Abdullah Nazir · Post by **Abdullah Nazir** » Fri Jun 03, 2005 5:54 pm

aur ik miSra-e-be-beHr ne jab Tanz kiyaa hei mujh per

dekhtaa hooN ke nahiN meraa qalam qaaboo meiN.

(dekhtaa / meiN)

Nazir.

Post by **najma** » Fri Jun 03, 2005 6:42 pm

dekhte dekhte baRh jaati hay gulshan ki bahaar
deeda-e-nagis-e-shahla ko na samjho ahwal

mohsin

deedah/ahwal

Post by **Hashmat Usmani** » Sun Jun 05, 2005 4:34 am

deeda e tar mujhe yaad aayaa
ek sail-e-ravaaN yaad aayaa

Hashmat Usmani
EK / AAYAA

Post by **najma** » Sun Jun 05, 2005 10:52 am

aisaa aalam ho, keh saakit ho zamana sara
dil ko dil ki na khabar ho, to ghazal hotii hay

najma

Post by **najma** » Sun Jun 05, 2005 1:43 pm

ba,d muddat ke khile daaman-e-ummeed ke phool
der ke ba,d baharoN pe nikhaar aya hay
nafis ahmad siddiqui

der/hay

Abdullah Nazir · Post by **Abdullah Nazir** » Mon Jun 06, 2005 1:04 pm

]b]

[2]aas kaa daaman chooT rahaa hei wada nibhaaou jaldi se

Toot nah jaayeN saare bandhan, kal aajaaou jaldi se.[/u]

Toot / se

Nazir.
[/b]

Post by **najma** » Mon Jun 06, 2005 2:06 pm

TooT jaata hay sheesha-e-dil bhii
koee ummeed TooT jaane se
najma

koee/se

Abdullah Nazir · Post by **Abdullah Nazir** » Tue Jun 07, 2005 10:07 am

aa-ieenah khaane meiN dhundlaagaiee terii soorat

warnah taktii raheeN tujhko tou baraabar aankheiN.

warnah / aankheN

Nazir.

Post by **najma** » Tue Jun 07, 2005 6:21 pm

aaNkh dar par, dil pareshaaN, ruuh waqf-e-intizaar
is-tarah to neen ko merii na weeraaN kijiye

najma

is-ratah/kijiye

Post by **najma** » Wed Jun 08, 2005 8:52 am

fil-badee,

hay taqaza ye waqt ka najma
waqt ke saath saath hi rahiyye

najma

waqt/rahiyye

shahnaz zafar · Post by **shahnaz zafar** » Wed Jun 08, 2005 10:42 pm

raheynge hamsafar e waqt ka chalan ban ker
kabhee ghubaar e beyaanbaan kabhee chaman ban ker

Post by **najma** » Wed Jun 08, 2005 10:43 pm

kabhii kabhi mire dil meiN khayaal aataa hay
keh jaise tujhko banaya gaya hay mere liye

keh/liye

Abdullah Nazir · Post by **Abdullah Nazir** » Thu Jun 09, 2005 12:55 am

keh jaise tuu hei makeeN mere khaana-e-dil meiN

jahaaN gulaoN meiN sajaayaa gayaa hei mere liye.

( jahaaN / liye )

Nazir.

Post by **najma** » Thu Jun 09, 2005 1:29 am

jahaaNmeiN aata hay jo giryah-o-fuGhaaN lekar
wo kya karega bhalaa, umr-e-jaawidaaN lekar
najma
wo/lekar