Shair ka jawab shair main dejeye

Abdullah Nazir · Post by **Abdullah Nazir** » Tue Jun 07, 2005 8:50 pm

dil kii dehleez pah hasrat kaa diyaa rakhaa hei

aane waale ke liye jisko jalaa rakhkhaa hei.

Nazir.

Post by **najma** » Tue Jun 07, 2005 8:56 pm

zor kitna hay hawaoN meiN, ye dekhooN maiN bhi
ek nanhaa saa diyaa maiN ne jala rakkha hay
najma

Abdullah Nazir · Post by **Abdullah Nazir** » Wed Jun 08, 2005 2:23 am

waqt ke saath badal jaate heiN insaaN kaise

yeh tamaashah hei Ajab dekhne waalaoN ke liye.

Nazir.

Post by **najma** » Wed Jun 08, 2005 8:54 am

tum ne nazar bachaa ke bhi dekha naheeN mujhe
merii nigaah-e-shauq to, tum par lagii rahii
najma

Abdullah Nazir · Post by **Abdullah Nazir** » Wed Jun 08, 2005 9:04 am

Shikwah qubool, phir bhii Haqeeqat kuch aur hei

deewaanagi meiN bhii , maiN tumheN dekhtaa rahaa.

Nazir.

Post by **najma** » Wed Jun 08, 2005 9:07 am

taab-e-nazzaaraa kise thii, kaun unko dekhtaa
ham to apne hosh ki dunya luTaa kar reh gaey
najma

shahnaz zafar · Post by **shahnaz zafar** » Wed Jun 08, 2005 10:35 pm

sab kuch mai bhula baitha tha hangaamey jonoo mai
ab hosh mai aaya hoon to ghar dhoond raha hoon

Post by **najma** » Wed Jun 08, 2005 10:37 pm

qafas meiN thay, to har-ik shaakh intizaar meiN thii
qafas se nikle,to ab aashiyaaN naheeN milta
najma

Abdullah Nazir · Post by **Abdullah Nazir** » Thu Jun 09, 2005 12:42 am

samajh rahe thay ke dunyaa hei apne qaaboo meiN

magar wo but hei ke uskaa nishaaN nahiN miltaa.

Nazir.

Post by **najma** » Thu Jun 09, 2005 1:42 am

dair-o-haram ki raah se dil bach gaya magar
terii galii ke moR pe saudaaee ban gaya
saghar

Taskeen · Post by **Taskeen** » Thu Jun 09, 2005 2:47 pm

ye soch lo ab aaKhri saya hai muhabbat
is dar se uthoge to koyi dar na milegaa

Post by **najma** » Thu Jun 09, 2005 6:36 pm

gar ijazat ho to qismat aazmaa kar dekh leiN?
aap hi ke sang-e-dar pe sir jhuka kar dekh leiN?
najma

Abdullah Nazir · Post by **Abdullah Nazir** » Sat Jun 11, 2005 3:05 am

dil khulaa, aankheN khuli heiN, dar khulaa

chouR jaa khaT unkaa naamah bar khulaa.

Nazir.

Post by **najma** » Sat Jun 11, 2005 3:08 am

nazar aatii naheeN soorat koee tark-e-ta,alluq kii
keh ab to saathlay aataa hay nama-bar qalam kaGhaz
najma

Abdullah Nazir · Post by **Abdullah Nazir** » Sat Jun 11, 2005 7:29 am

chalo achcha houaa, ab guftagu kii raah nikli hei

zaraa maiN bhii tou dekhooN kal kahaaN tak baat phonche gi.

Nazir.