Guzarish @1 ke misreA per Tarahi Ghazal. Irfan Barabankwi.

Post by **irfan barabankwi** » Wed Jan 12, 2005 6:22 pm

Muhtaramaat o MuHtarameen
Ahbab-e-sukhan,

Aadaab o Tasleemaat,

Urdubandhan kii Guz.No.1 ke misreA per apni Tarahi ghazal paish karne kii sa'Aadat haasil karrahaa hooN. Ummeed ke aap apni qeemati aaraa se mustafeed houne ka mauqaA denge. Shukriya.

Khair Andesh,

Irfan.

Post by **Star Mind** » Wed Jan 12, 2005 7:01 pm

Assalam-o-a'laikum,

moHtarami Irfan SaaHib,

aap jaise kuhna-mashq shaai'r aur SaaHib-e-i'lm se yaqeena" aek aisee hi ghazal ki tawaqqu' thee :D .
aap ka ustaadaana aur fankaaraana rang ba-khoobi aap ki ghazal se chalaktaa nazar aataa hai :) . bayaan maiN raa'naai , khayaalat maiN baa-waqaar bulandee, alfaaz ka maahiraana intekhaab , yaqeena" aap ka khaaSSa raha hai. mujhe aap ki yeh kaavish bhi Hasb-e-maa'mool jee jaan se pasand aayee . meri jaanib se DheroN daad qabool kejeye. shukriya

mokhliS : Zia Baloch

Post by **Hashmat Usmani** » Thu Jan 13, 2005 5:02 am

salaam moHtaram janaab e Irfan saaHib,

janaab e Zia saaHib ke ta'reefii kalimaat ke ba'd maiN aur kia kah saktaa huuN sivaaye iske ki maiN unke tajziye se Harf ba Harf muttafiq huuN...bajaa farmaayaa hai bilkul Zia saaHib ne.

aapke maqt'e ne mujhe AsGhar GoNdvii ke is she'r kii yaad dilaa dii:

chalaa jaataa huuN haNstaa, kheltaa mauj-e-Hawaadis se
agar aasaaniiyaaN hoN, zindagii dushwaar ho jaaye

Allah kare zor e qalam aur ziyaada. ek achchhi Ghazal par daad qubool kijiiye.

faqat Khaak_nashiiN,

Hashmat

Post by **tahira Masood** » Wed Jan 19, 2005 2:24 pm

MoHteram Irfan saheb

salaam

aapki ghazal peRhi beHad apsaNd aae. ilfaaz kaa intekhaab aur qaifay bohat umdah ist'Amaal kiay haiN aap ne.

daad qabuul fermaaeiN.
wassalam

Post by **irfan barabankwi** » Sun Jan 30, 2005 1:41 pm

mohtaram
STARMIND (ZIA BALOCH SAAHIB)

salam khuloos

hasb-e-mAmool sab ke jawabat kuchh takheer se de raha hooN. ummeed hai ke muAaf farmayeNge kiyoNke "hoi takheer to kuchh bais-e-takheer bhi tha". baharhal aapki hauslah afzayi ne dil bagh bagh kar diya. zia bhai yeh aapki zarrah nawazi hai wanrah yeh nacheez to kisi layeq nahi.
yeh sab aapka hun-enazar hai jo mere ashaar ko is tarah sarahte haiN.
darasl aap sabki hauslah afzayi hi meri ghazal goi ki jan hai balke tahreek hai aur ummeed hai ke ayendah bhi aap nawazte raheiNge. shukriyah

khair andaish

irfan barabankwi

Post by **irfan barabankwi** » Sun Jan 30, 2005 1:46 pm

mohtaram janab

HASHMAT USMANI SAAHIB

salam-e-masnoon

aapka maktoob kafi takheer se aaj nazar nawaz hua. ghazal ki pazirai ka bahut bahut shukriyah. aap jaise ahl-e-nazar aur ahl-e-qalam ki daad mere liye yaqeenan ki sanad se kam nahi hai. ummeed hai ke ayenda bhi aap mera hausaah badhate raheiNge.

jawab ki takheer ke liye mAzarat chahta hooN. shukriyah

khair andaish

irfan barabankwi

Post by **irfan barabankwi** » Sun Jan 30, 2005 1:49 pm

mohataramah

SARA JABEEN SAAHIBAH

purkhulos tasleemat

aaj aapka tabsirah nazar nawaz hua. ghazal ki pasandeedgi ka bahut bahut shukriyah. ayendah bhi aapse isi tarah ki hauslah afzayi ki ummeed trakhta hooN. shukriyah

khair andaish

irfan barabankwi

Post by **irfan barabankwi** » Sun Jan 30, 2005 1:55 pm

mohtaramah

TAHIRA MASOON SAAHIBAH

pukhuloos tasleemat

aaj aapka maktoob basrah nawaz hua. ghazal ki pazirahi ke liye aapka bahut mamnoon hooN. darasl aap jaise ahl-e-qalam aur qadrdaan hi mujhe ghazal goi hi tahreek dete haiN. ummed hai ke aap isi tarah hamesha mujhey hauslah deti rhaeiNgi. shukriyah

khair andaish

irfan barabankwi