PASANDEEDA ASH,AAR

Post by **najma** » Fri Jun 17, 2005 7:56 am

payaam-bar na muyassar hua to khoob hua
zabaan-e-Ghair se kya shrh-e-aarzoo karte
najma

Post by **najma** » Fri Jun 17, 2005 3:03 pm

pas-e-marg mere mazaar par ji diyaa kisi ne jala diya
ise aah! daman-e-baad ne sar-e-shaam hii se bujha diya
zafar

Post by **najma** » Fri Jun 17, 2005 9:10 pm

naheeN rah-bar ki kuch parwah hameiN, sadqay tasawwur ke
keh aaNkheN band karleeN aur tire kuuchay meiN ja-nikle

Post by **Waqar Zaidi** » Sat Jun 18, 2005 5:48 pm

umr kuchh shiddat e ahsaas ki barhh jaaye gi

aaiye aap mairay deeda e tar main rahiye

shaair : Baikal utsaahi (India)

Post by **Waqar Zaidi** » Sat Jun 18, 2005 5:51 pm

ajeeb hotay hain aadaab e rukhsat e mehfil

keh uth kay woh bhi chalaa jis ka ghar na tha koii

shaair : Sahar Ansari.

Post by **Waqar Zaidi** » Sat Jun 18, 2005 5:55 pm

yeh shab rang zulfon kay bad mast baadal

mairay dil pe aay kaash khul kar barastay

shaair : Habaab Tirmazi.

Post by **Waqar Zaidi** » Sat Jun 18, 2005 5:59 pm

mairay naakhun e wafaa pe koii qarz reh na jaaye

tairay dil main jo girah hay usay neem baaz rakhna

shaair : Shaz Tamkanat.

Post by **Waqar Zaidi** » Sat Jun 18, 2005 6:02 pm

aay baad e saba naama o paighaam kay badlay

ek bosa miraa un lab o rukhsaar ko ponhchaa

shaair : Sehba Akhtar

Post by **Waqar Zaidi** » Sat Jun 18, 2005 6:07 pm

baAd masaaib kay milaa karti hay raahat aksar

talab e gul hay to phir tehni e pur khaar na daikh

shaair : Waqar Zaidi.

Post by **Waqar Zaidi** » Sat Jun 18, 2005 6:10 pm

tum saath thay to ham bhi thay manzil say aashnaa

ab tum nahin to lagtay hain rastay ajeeb say

naa maAloom

Post by **Waqar Zaidi** » Sat Jun 18, 2005 6:13 pm

too agar buraa na maanay to jahaan e rang o boo mayn

main sakoon e dil ki khaatir koii dhoondh loon sahaaraa

naa maAloom

Post by **najma** » Sat Jun 18, 2005 10:11 pm

waaah bohat khoob wqar zaidi bhaee
waah

naheeN tuu, tozinagaani shab-e-taar hay keh jis meiN
na fazaa meiN koee jugnuu, na falk pe koee taaraa
najma

Post by **najma** » Sun Jun 19, 2005 11:58 am

tajdeed ke shu,oor se, aiy rah-baran-e-asr!
sheerazah-e-hayaat pareshaaN na kijiye
nafis ahmad siddiqui

Post by **Waqar Zaidi** » Sun Jun 19, 2005 1:28 pm

waar kar saktaa to hoon main apnay dushman par magar

sochtaa hoon darmiyaan phir farq kia reh jaaye ga

shaair : Arif Shafeeq.

Post by **Waqar Zaidi** » Sun Jun 19, 2005 1:32 pm

ab hawaayain hi karain gi raushni kaa faislah

jis diye main jaan ho gi woh diyaa reh jaaye ga

Shaair : Mehshar Badaayuni.