Shair ka jawab shair main dejeye

Post by **Mahtab Qadr** » Mon Jun 20, 2005 6:29 am

ba aiNhima zauq e aagahi ,haaye re pasti e bashar
saray jahaaN ka jayeza , apne jahaN se be khabar

Post by **najma** » Mon Jun 20, 2005 8:32 am

aasmaanoN pe takhayyul ka guzar rakhtii hooN
dil ki batoN ko jo samjhe, wo nazar rakhtii hooN
najma

Abdullah Nazir · Post by **Abdullah Nazir** » Tue Jun 21, 2005 12:36 am

[color=blue[

AankhouN aankhaouN meiN sunaatedtaa hooN baateN dil kii

kyaa kahooN kaise guzarjaati heiN baateN dil ki.

[/color]
Nazir.
[/u]

Post by **najma** » Tue Jun 21, 2005 1:12 am

har aaine pe na kar e,tibaar, deeda-e-shauq
nazar ka kya hay, ye akcar fareb khaatii hay
najma

Post by **Mahtab Qadr** » Tue Jun 21, 2005 10:57 am

kisi pe chaahe kabhi aitebaaar mat karna
ye aayina hai isaay be-wiqaar mat karna
Mahtab Qadr (filbadeeh)

Post by **najma** » Tue Jun 21, 2005 6:56 pm

zor kitna hay hawaoN meiN, ye dekhooN maiN bhii
ek nanhaa saa diya maiN ne jala ark,kha hay
najma

Post by **Mahtab Qadr** » Tue Jun 21, 2005 8:44 pm

sabhi diye raheiN raushan khuda kare laikin
in aaNdhiOn se larhaai bhi yaar mat karna
Mahtab Qadr

Post by **najma** » Tue Jun 21, 2005 10:07 pm

chaar tinkay kya muyassar hogaey
aandhiyaaN apna muqaddar ho gaeeN
nafis ahjmad siddiqui

Abdullah Nazir · Post by **Abdullah Nazir** » Wed Jun 22, 2005 2:13 am

wada wafaa nah karnaa hougi sirisht lekin

tum jhooT boulte hou kis khoobsoorati se.

Nazir.

Post by **najma** » Wed Jun 22, 2005 11:03 am

maiN sach kahooN gii. magar phir bhi haar jaaooNgii
wo jhoot bolega aur la-jawab kardega
p. shakir

Post by **Mahtab Qadr** » Thu Jun 23, 2005 12:02 am

kitne razoN ka ameeN hai ye samandar dekhte
dil ki halat meri aNkhoN maiN utar kar dekhte

Mahtab Qadr (filbadeeh)

Post by **najma** » Thu Jun 23, 2005 12:17 am

har jalwa hay but-khana-e-hastii ka ujuubah
pat,thar ke haiN asnaam, to sheeshay ki qabaaeiN
njama

Post by **najma** » Thu Jun 23, 2005 12:13 pm

aise kab tak jiyogii tum najma!
jheel meiN pheNk pheNk kar kaNkar
najma

Post by **Mahtab Qadr** » Thu Jun 23, 2005 10:03 pm

na bahak jaaye tere zahn ki lahroN ka sukooN
besabab ja ke kabhi jheel mai kaNkar mat phaiNk

Mahtab Qadr (fb)

Post by **najma** » Thu Jun 23, 2005 10:09 pm

umr bhar lehroN se Takraatay rahay haiN ham-log
gar samundar meiN utar jatay, samundat hotay
najma