Lafz par Ashaar#12--"WAFA / BEWAFA "

Post by **najma** » Sun Jun 19, 2005 12:10 pm

haaN, batao to sahii! rooh-e-wafa! jaan-e-:nafees:
kab mujhe hans hans k deewana bananay aaogii?
nafis ahmad siddiqui

Post by **najma** » Sun Jun 19, 2005 5:34 pm

ham ne bunyaad-e-zindagii apnii
sirf terii wafaa pe rak,khi hay

Post by **najma** » Sun Jun 19, 2005 5:44 pm

yahaan badla wafa ka be-wafaee k siwa kyahay
abhi dukh hay abhi sukh hay abhi kya tha abhi kya hay

Post by **syed bilal armaan** » Mon Jun 20, 2005 6:27 am

aya hi tha abhi mere lab pey wafa ka naam
kuch dost'oun ney haath mein pathar uttha liye...

Post by **syed bilal armaan** » Mon Jun 20, 2005 6:30 am

wa,da na WAFA karna,phir uss pe ye taakeedeN
taa-hashr theher jao,q jan nikalti hay
-DAAGH...

Post by **syed bilal armaan** » Mon Jun 20, 2005 6:33 am

bewafaa vaqt na tera hai , na mera hoga
raat bhi aaye gi, sooraj ka bhi phaira hoga

Abdullah Nazir · Post by **Abdullah Nazir** » Tue Jun 21, 2005 3:06 am

wafaa kii baat nah kar bewafaa muHabbat meiN

bataa ke tuu ne mujhe kyaa diyaa muHabbat meiN.

Nazir.

Post by **najma** » Thu Jun 23, 2005 12:18 am

insaan ko shikwa hay, wafaa aam naheeN hay
insaaan bhi to itna niko-naam naheeN hay
najma

Abdullah Nazir · Post by **Abdullah Nazir** » Thu Jun 23, 2005 12:15 pm

wafaa kaa naam nah le bewafaa khudaa ke liye

maIn teri chashm-e-tagaaful se khoob waaqif hooN.

Nazir.
[/color

Post by **najma** » Thu Jun 23, 2005 12:18 pm

bohat khoob

wo haiN na-aashnaa lafz-e-wafaa se bhi, magar najma!
kitab-e-dil ka apni, unko unwaaN kar liya ham ne
najma

Post by **syed bilal armaan** » Fri Jun 24, 2005 7:19 am

tafseer-e-zindagi tha yaqeenan miraa sukoot
maiN sharH-e-daastaaN ka magar mudda'ee kahaaN
meri wafa ko saare jahaaN ke sitam qubool
tere karam ko aik nazar ka ziyaaN giraaN

-Ahmed Nadeem Qasmi .

Post by **syed bilal armaan** » Sat Jun 25, 2005 7:27 am

ae yaar-e-dilnasheen, wo adaa kaun le gaya
tere nageeN se naqsh-e-wafaa kaun le gaya

Josh

Abdullah Nazir · Post by **Abdullah Nazir** » Fri Jul 01, 2005 2:32 am

cheen lo mujh se ravaadaariy-e-iHsaas-e-wafaa

yaa dar-e-yaar pah baa-deeda-e-tar jaane do.

Nazir.

Post by **Hashmat Usmani** » Fri Jul 01, 2005 3:14 am

baar_haa gor dil jhukaa laayaa
ab ke shart-e-wafaa bajaa laayaa

Meer taqii Meer

Abdullah Nazir · Post by **Abdullah Nazir** » Sat Jul 02, 2005 12:51 pm

rah-e-wafaa meiN tiraa iintizaar karte rahe

ham apnaa daaman-e-dil taar taar karte rahe.

Nazir.

Lafz par Ashaar#12--"WAFA / BEWAFA "

- -- -

"wafaa"

"wafa"

"wafaa"