Seemaab Akbaraabaadi kii aek GHAZAL: FROM A.NAZIR
Moderator: Muzaffar Ahmad Muzaffar
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Seemaab Akbaraabaadi kii aek GHAZAL: FROM A.NAZIR
MuHtaramaat o MuHtarameen
Ahbaab-e-MeHfil
Purkhuloos Tasleemaat,
Aapki khidmat meiN Seemaab Akbar=aabaadi kii aek ghazal pesh karrahaa hooN. Ummeed ke pasand aayegi.
G H A Z A L roman meiN
Toofaan uThrahe heiN, maahaul-e-gulsitaaN se
Aiy aashyaaN nasheeno, hushyaar aashyaaN se
Lekar gham-e-muHabbat, baiThe heiN sargiraaN se
Yeh boujh kyaa uThegaa, ik jaan-e-naatavaaN se
TukRe lapak rahe heiN, her zakhm-e-khooNchakaaN se
Tujh ko dil-e-shikastah, jouRooN kahaaN kahaaN se
Pahonchaa hei yeh kahaaN tak, aayaa hei yeh kahaaN se
Andaaza-e-safar kar, raftaar-e-kaarvaaN se
Chehrah nahikN hei meraa, nazr-e-fataadagii hei
haathaoN meiN sar uThaakar, uTThoongaa aastaaN se
nuzhat chaman kii lekar aauoongaa aashyaaN meiN
khaakar qasam chaman kii, jaataa hooN aashyaaN se
khaak-e-chaman hii vajh-e-aaraayish-e-chaman hei
waaqif nahiN abhi tuu, dastoor-e-khaakdaaN se
maiN lafz-e-kun kaa pahlaa, nuqtah hooN wo bhi naaqis
qisse yeh sab bane heiN, meri hii daastaaN se
jo aap ko bhulaade, aur khudnumaa banaade
ik lamhah gham hei behtar, is Aish-e-jaavidaaN se
tuu Haasil-e-khudee hei, phir tujh meiN kyaa kami hei
chal unke aastaaN per, uTh unke aastaaN se
aiy Toor bujh gayaa tuu, thouRi sii der jalkar
maiN phuk rahaa hooN ab tak, souz-e-gham-e-nihaaN se
sabzah lahak rahaa thaa, ghunche chaTak rahe thay
jab ham aseer houne, nikle thay aashyaaN se
Seemaab masliHat hei, yeh meri teiz gaamii
Manzil se pahle mujhko, milnaa hei kaarvaaN se.
End:
Aapka Mukhlis,
Nazir.
- Attachments
-
- a_seemaab_ff.JPG (159.44 KiB) Viewed 190 times
Last edited by Abdullah Nazir on Mon Jul 11, 2005 5:09 am, edited 1 time in total.
-
Hashmat Usmani
- -
- Posts: 1173
- Joined: Wed Dec 08, 2004 1:00 pm
- Location: Kitchener, Ontario, Canada
- Contact:
moHtaram janaab-e-Naazir saaHib,
salaam,
aapkii pesh kardah Ghazal bahot pasand aayii...aapkaa teh-e-dil se shukria adaa karta huN. Saara saaHiba ne saHeeH farmaayaa ki aapne roman urdu meN likh kar hamaare liye baRii aasaanii paida kar dii hai. shukria.
roman urdu meN Ghazal likhne ke silsile se ek mashwarah agar baar-e-Khaatir na guzre to denaa chaahuuNga. aur vo yeh ki aap plz do ash'aar ke beech emN ek line khaalii chhoR diyaa kareN taakii paRhne meN aasaanii ho...shukria.
faqat Khaadim-e-urdu,
Hashmat
salaam,
aapkii pesh kardah Ghazal bahot pasand aayii...aapkaa teh-e-dil se shukria adaa karta huN. Saara saaHiba ne saHeeH farmaayaa ki aapne roman urdu meN likh kar hamaare liye baRii aasaanii paida kar dii hai. shukria.
roman urdu meN Ghazal likhne ke silsile se ek mashwarah agar baar-e-Khaatir na guzre to denaa chaahuuNga. aur vo yeh ki aap plz do ash'aar ke beech emN ek line khaalii chhoR diyaa kareN taakii paRhne meN aasaanii ho...shukria.
faqat Khaadim-e-urdu,
Hashmat
