Shair ka jawab shair main dejeye

Post by **PK Swami** » Sun Jul 10, 2005 6:06 pm

kis ghazab meiN hai, kis aafaT meiN hai, kis mushkil meiN hai
dam meraa khanjar meiN hai khanjar kaf.e qaatil meiN hai

PK Swami

RAUSHNEE · Post by **RAUSHNEE** » Mon Jul 11, 2005 10:06 pm

koi nam-o-nishan pochay tu ay qasid bata dena
takhalus daagh hai aur ashiqon k dil mein rehta hon

Post by **Hashmat Usmani** » Tue Jul 12, 2005 2:42 am

lete hii dil jo, 'aashiq-e-dil_soz kaa, chale
tum aag lene aaye the, kia aaye, kia chale

Ustaad Ibraaheem Zauq

Post by **PK Swami** » Tue Jul 12, 2005 2:38 pm

asar ai aaH.e sozaaN, kuchh na kuchh apnaa dikha denaa
na aayeN vo to ek din, aaG hee ghar meiN lagaa denaa

PK Swami

RAUSHNEE · Post by **RAUSHNEE** » Tue Jul 12, 2005 3:59 pm

ishq per zoor nahi hai yeh woh atish Ghalib
jo lagaye na lagay aur bujhaye na bujhay

Abdullah Nazir · Post by **Abdullah Nazir** » Tue Jul 12, 2005 7:13 pm

aatish-e-ishq meiN jal jaaye nah hastii meri

aankh se ashk bahaataa hooN bujhaane ke liye.

Nazir.

Post by **PK Swami** » Wed Jul 13, 2005 1:24 am

aaNsoo rawaaN haiN zulf.e siyaH ke khayaal meiN
moTee piro rahaa hooN tere baal baal meiN

PK Swami

Post by **Hashmat Usmani** » Wed Jul 13, 2005 2:14 am

jab zabt-e-Gham dil pe na, jaanaaN! koii rahaa
motii sajaa liye haiN sar-e-mizgaaN kabhiikabhii

A'ijaaz Aslam

Post by **PK Swami** » Wed Jul 13, 2005 6:02 pm

ye bhegee bhegee fijaa.e gulshan, tamaam maaHol shabnamee saa
lipaT ke royaa hai raat pholooN se, koi dewanaawaar shayad !

PK Swami

Post by **Hashmat Usmani** » Wed Jul 13, 2005 6:59 pm

dil ke sehraa meN koii aas kaa jugnuu bhii nahiiN
itnaa royaa huuN k ab aaNkh meN aaNsuu bhii nahiiN

Noor Bijnaurii

RAUSHNEE · Post by **RAUSHNEE** » Fri Jul 15, 2005 9:39 pm

dil he tu hai na sang-0-khisht dard say bhar na aye kiyon
royen gay hum hazar bar koii hamein sateye kiyon ?

Post by **PK Swami** » Sun Jul 17, 2005 4:25 pm

dil kee bahaar kyaa hai, gham se figaar honaa
zakhm.e jigar ke gul ko, hajat naheeN rafoo kee

PK swami

Abdullah Nazir · Post by **Abdullah Nazir** » Mon Jul 18, 2005 3:58 am

ik zakhm hei rafugar, saAy-e-rafoo hou jiski

seena hei saaraa chalni, meHboob ke karam se.

Nazir.

RAUSHNEE · Post by **RAUSHNEE** » Sat Jul 23, 2005 10:28 pm

ahad-e-vafaa aur tark-e-muhabbat jo chaaho so aap karo
apane bas kii baat hii kyaa hai, hamase kyaa manavaaoge

Post by **Hashmat Usmani** » Tue Jul 26, 2005 2:51 am

kahaa thaa kis ne ke aHd-e-vafaa karo us se
jo yuuN kiyaa hai to phir kiuN gilaa karo us se

AHmad Faraaz