TARAHI GHAZAL - -- - (GUZ.7) by: ABDULLAH NAZIR.

Tarhi Moshaairah -ShoAaraa aur Shayeraat kii TabAaazmayi ke liye

Moderator: Muzaffar Ahmad Muzaffar

Post Reply
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

TARAHI GHAZAL - -- - (GUZ.7) by: ABDULLAH NAZIR.

Post by Abdullah Nazir »


MuHtaramaat o MuHtarameen
Arbaab-e-MeHfil aur aHbaab-e-Sukhan,


Purkhuloos Tasleemaat, :rose

Guzarish 7 ke TaraHi misreA per apni ghazal pesh karrahaa hooN. Ummeed ke aap apni giraaNqadr aaraa se navaazkar mujhe shukriyah adaa karne kaa mauqaA denge:

GHAZAL - roman meiN

1- tuu nah jab tak muskuraanaa chouRde
koii kaise dil lagaanaa chouRde

2- shaam-e-hijraaN jee jalaanaa chouRde
"khul ke mil bus moNh chupaanaa chouRde

3- baRh nah jaaye aur bhii deewaanah pun
jaan-e-jaanaaN aazmaanaa chouRde

4- qatl karde mujhko chashm-e-naaz se
zindagi bhar kaa sataanaa chouRde

5- kyaa tujhe dunyaa nazar aati nahiN
Her sitam mujh per hii Dhaanaa chouRde

6-waAdah o iqraar kaa rakh le bharam
aa bhii jaa, baateN banaanaa chouRde

7- Deeda-e-nam koie daryaa tou nahiN
mere ashkaoN meiN nahaanaa chouRde

8- Dasht-e-ghurbat meiN akailaa kyaa karuN
yooN nah mujhko be-Thikaanaa chouRde

9- mujh pah kyaa guzregii farT-e-karb meiN
aankh gar aansoo bahaanaa chouRde

10- khirman-e-hastii nah jal jaaye miraa
Husn kaa jaadoo jagaanaa chouRde

11- barg-e-gul hou yaa houN ;Nazir: uske lab
jaam-e-maie ko moNh lagaanaa chouRde

====


Aapka Mukhlis,
Nazir.
Attachments
a_na_7f.JPG
a_na_7f.JPG (155.03 KiB) Viewed 373 times
Last edited by Abdullah Nazir on Wed Jun 21, 2006 5:45 pm, edited 2 times in total.
Image
Top
User avatar
Mahtab Qadr
-
-
Posts: 559
Joined: Sun Dec 12, 2004 7:36 am
Location: Jeddah Saudi Arabia
Contact:
Contact Mahtab Qadr

Post by Mahtab Qadr »

Mohatram Abdullah Bhai salaam e masnoon
Wah wah huzoor e waala aap ki ghazal to MASHALLAH aapki ghazal hai. mai daad o tahseen ke phool hi nichawar karsakta hoN, warna meri kia bisaat ke tabsira ya raye jaisi koi tahreer likhoN aapke kalam par. bahut umda , aur aapke qudrat e kalaam aur ustadaana andaaz e bayaan ki mazhar hai ye ghazal yaqeenan hameiN istefaada ka aik zariya hai.
shukria
Mahtab Qadr
Top
Hashmat Usmani
-
-
Posts: 1173
Joined: Wed Dec 08, 2004 1:00 pm
Location: Kitchener, Ontario, Canada
Contact:
Contact Hashmat Usmani

Post by Hashmat Usmani »

salaam moHtaram Naazir saaHib,

ek baar phir aapkii Ghazal ne hameN masroor o masHoor kar diyaa. har she'r meN barjastagii hai. har she'r munfarid hai. kaise kaise Khayaal ko jaama pahnaayaa hai aapne...kaash Ghazal kahna koi aasaan kaam hotaa to ham bhi koi "KAAM" kar gaye hote. shukria Naazir saaHib k aapne apna umda kalaam hamaare saath share kiyaa.

Hashmat
Image
Top
PK Swami
-
-
Posts: 102
Joined: Wed Jul 06, 2005 2:59 am
Location: Delhi
Contact:
Contact PK Swami

Post by PK Swami »

Muhtarim Naazir Saheb
aadaab

kyaa keHne hai is khoobsoorat ghazal ke!! har sher par bas daad dete rahne ko jee chahtaa hai. aik aik sher eHsaas aur alfaaz key jaaNnisaar perHan meiN hai aur apne husn se paRhne wale ko masroor kartaa hai.

mubarakbaad!!


PK Swami
mujhe dil diyaa to taRap bhee de
jo hooN doosroN kaa sharik.e gham
mujhe aisey dil kee talab naheeN
jo kisii ke kaam na aa sake
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Mohtarmee wa Mukarramee Abdullah Nazir Sahab
Aadab

Shayad isee ko kahte hain "der aayad durst aayad".
Nihatat umdah ghazal se nawaza ha aap ne.
Ghazal ka har sher Khalic ghazal ke rang men hai
yeh alag baat kuch ashaar men "shoKhi" ziyada
hai kuch men "fikr". Mukammal ghazal "sheiriyyat"
aur "aamad" ka ek anokha sangam hai.
Aisee haseen ghazal ko agar achche tarannum
se paRha jaaye to shayad iss ka lutf aur bhi baRh
jayega.

Naashanaase suKhan hooN phir bhee apni adna'
daad.o.tahseen pesh karta hooN.

Naacheez,

Jawaid Badauni
Top
Post Reply

Return to “Moshaairah”