PASANDEEDA ASH,AAR

Post by **Hashmat Usmani** » Tue Jul 26, 2005 2:15 am

Hosh jaataa nahiiN rahaa, lekin
jab vo aataa hai tab nahiiN aataa

Meer taqi "MEER"

Post by **Hashmat Usmani** » Tue Jul 26, 2005 2:21 am

waah Saara, bahot Khoob she'r sunaayaa :rose

jab maiN ne shur'uu qissa kiyaa, aaNkheN khol diiN
yaqiinii thii mujh ko chashm_numaaii tamaam shab

Meer Taqi "Meer"

Abdullah Nazir · Post by **Abdullah Nazir** » Tue Jul 26, 2005 3:18 am

"achchaa hei dil ke saath rahe paasbaan-e-Aql

lekin kabhi kabhi ise tanhaa bhii chouRde.

Aallamah Iqbal,

Nazir.

Post by **Hashmat Usmani** » Tue Jul 26, 2005 3:25 am

Khaak-e-dil jauhar-e-aaiina ke kaam aa hii gaii
laakh duniyaa ne nigaahoN se giraanaa chaahaa

Karraar Noorii

Post by **Hashmat Usmani** » Tue Jul 26, 2005 3:37 am

har gumaaN pahne huye thaa ek malbuus-e-yaqiiN
har yaqiiN jaaN daada-e-Husn-e-gumaaN thaa, dosto!

Jagannaath Azaad

Post by **PK Swami** » Tue Jul 26, 2005 4:21 pm

ye tafseel kaisee sunaate ho mujh ko
koi tazkiraa maiN naheeN kar raHaa hooN
yaqeeN par bharosaa naheeN raH gayaa hai
gumaaN par saraasar yaqeeN kar raHaa hooN

PK Swami

Post by **Hashmat Usmani** » Wed Jul 27, 2005 2:22 am

Shai'Kh saaHib, Khudaa se Darte ho?
maiN to angrezoN hii se Dartaa huuN!

Akbar Allahabadi

Abdullah Nazir · Post by **Abdullah Nazir** » Wed Jul 27, 2005 3:51 am

"aane waale kisi Toofan kaa rouna roukar

nakhudaa ne mujhe saaHil pah Dubounaa chaahaa"

Hafeez Jaalandhari

Nazir.

Post by **Hashmat Usmani** » Thu Jul 28, 2005 2:01 am

ab shauq se bigaaR kii baateN kiyaa karo
kuchh paa gaye haiN aap kii tarz-e-bayaaN se ham

Altaaf Husain "Haali"

Post by **Hashmat Usmani** » Fri Jul 29, 2005 5:59 am

zaKhm ko phuul, to sar_sar ko sabaa kahte haiN
jaane kia daur hai, kia log haiN, kia kahte haiN

AHmad Faraaz

ek is zameen aur tarz par filmii gaanaa thaa jiske bol kuchh yuuN the:

aapkii zulf ko saawan kii ghaTaa kahte haiN
aapkii mad_bharii aaNkhoN ko kaNwal kahte haiN
ek ham hii nahiiN, sab log yehii kahte haiN
aapkii chaal ko jaadoo saa 'amal kahte haiN

RAUSHNEE · Post by **RAUSHNEE** » Fri Jul 29, 2005 12:46 pm

]mere charager ko naveed ho saf-e-dushma ko khabar kero
woh jo qarz rakhtay thay jaan per woh hisaab aj chuka deeya

Post by **Hashmat Usmani** » Fri Jul 29, 2005 6:59 pm

jo ruke to koh-e-garaaN the ham, jo chale to jaaN se guzar gaye
rah-e-yaar ham ne qadam qadam, tujhe yaad_gaar banaa diyaa

Faiz AHmad "Faiz"

Post by **Hashmat Usmani** » Sun Jul 31, 2005 5:54 am

naa_Haq ham majbuuroN par tohmat hai Khud_muKhtaarii kii
jo chaaheN so aap kareN haiN, hamko 'abas bad_naam kiyaa

Meer Taqii "Meer"

Abdullah Nazir · Post by **Abdullah Nazir** » Wed Aug 03, 2005 4:07 am

"sanbhalne de mujhe aiy naa-umeedi kyaa qiyaamat hei

keh daamaan-e-khayaal-e-yaar chooTaa jaaye hei mujh se"

Ghalib.

Nazir.

Abdullah Nazir · Post by **Abdullah Nazir** » Wed Aug 03, 2005 4:23 am

"jaam-e-mai taubah shikan taujbah miri jaam shikan

saamne Dher heiN TooTe houe paimanaoN ke"

Riyaz khairaabaadi

Nazir.

PASANDEEDA ASH,AAR

Pasandeedah

pasandeedah

pasandeedah

pasandeedah