Lafz par ashar #14--SAJDA

RAUSHNEE · Post by **RAUSHNEE** » Tue Jul 26, 2005 9:52 pm

bus ik daagh-e-sajda meri kayenat
jabeinai'n teri astanay teray

Post by **Hashmat Usmani** » Wed Jul 27, 2005 1:31 am

aao! ik sajda kareN 'aalam-e-madhoshii meN
log kahte haiN ke "SaaGhar" ko Khudaa yaad nahiiN

SaaGhar Siddiqui

Post by **Hashmat Usmani** » Wed Jul 27, 2005 5:43 am

ye saaraa jism jhuk kar bojh se dohraa huaa hogaa
maiN sajde meN nahiiN thaa, aapko dhoka huaa hogaa

Dushyant Kumaar

Post by **Hashmat Usmani** » Thu Jul 28, 2005 6:21 pm

bas ek sajda-e-shukraana paa-e-naazuk par
yeh mai_kada hai, yahaaN par Khudaa kaa naam na le

SaaHir Bhopaalii

Abdullah Nazir · Post by **Abdullah Nazir** » Fri Jul 29, 2005 4:27 am

"maiN jo sar ba sajdah houaa kabhii tou zameeN se aane lagi Sadaa

tira dil tou hei Sanam aashnaa tujhe kyaa milegaa namaaz meiN"

Allaamah Iqbal

Nazir.

Post by **Hashmat Usmani** » Fri Jul 29, 2005 5:46 am

safeN kaj, dil parishaaN, sajda be_zauq
k jazba-e-andaruuN baaqii nahiiN hai

'allaamah Iqbaal

Post by **syed bilal armaan** » Fri Jul 29, 2005 8:28 am

jabeen sajda kartey hi karti gayee
haq-e-bandagi ham ada kar chaley

Post by **Hashmat Usmani** » Fri Jul 29, 2005 11:04 am

karuuN aisaa sajda vo ghabraa ke kah deN
Khudaa ke liye ab to sar ko uThaa le

Qamar Jalalwi

RAUSHNEE · Post by **RAUSHNEE** » Fri Jul 29, 2005 12:20 pm

kabhi ai haqeeat-e-muntazir nazar a libas-e-majaz mein
k hazaron sajde tarap rahe hain meri ik jabeen-e-niaz mein

Post by **PK Swami** » Fri Jul 29, 2005 3:03 pm

khuloos.e dil se ho sajdaa to oos sajde ka kyaa kahnaa
vaheeN par ban gayaa kabaa jahaaN maine jabeeN rakh dee

PK Swami

Post by **Hashmat Usmani** » Fri Jul 29, 2005 6:38 pm

bas ek daaGh-e-sajda merii kaayenaat
jabiineN terii, aastaane tere

Abdul Hameed "Adam"

Post by **Hashmat Usmani** » Sat Jul 30, 2005 5:16 am

yeh kis ke aastaaN par mujh ko zauq-e-sajda le aayaa
k aaj apnii jabiiN, apnii jabiiN ma'luum hotii hai

CharaaGh Hasan "Hasrat"

Post by **Hashmat Usmani** » Sun Jul 31, 2005 5:51 am

sarzad ham se be-adabii to wai'Hshat meN bhii kam hii huii
kosoN us kii or gaye par sajda har har gaam kiyaa

Meer Taqii "Meer"

tabasum · Post by **tabasum** » Sun Jul 31, 2005 9:09 am

aao ik sajda kareN aalam-e-mad'hoshi meiN
log kehte haiN ke saaghar ko khudaa yaad nahiN

Post by **syed bilal armaan** » Mon Aug 01, 2005 7:42 am

assalam walekum
tamam URDU BANDHAN members ka bahut bahut shukriya ke app sab ney is unwan par bahut acche acche ashar bheje, lekin ab is unwan ka bhi waqt katam ho gaya hai. is martaba ka naya unwan hai "Deewana". app is unwan par bhi apne behtareen ashar bhejein. Ye unwan naye post (new thread) may mulaheza kijye.
NOTE:is baar se unwan har 10 din badla jaye gaa.

S.M.BILAL

Lafz par ashar #14--SAJDA

"sajdah"