SAWALIYAH ASH,AAR========

Abdullah Nazir · Post by **Abdullah Nazir** » Mon Jul 18, 2005 3:25 pm

kis liye maghroor hei tuu ik zaraa se maal per

houte houte aek din sab kuch fanaa houjaayegaa.

Nazir.

Post by **Hashmat Usmani** » Tue Jul 26, 2005 3:03 am

koii ab tak na yeh samjhaa k insaaN
kahaaN jaataa hai, aataa hai kahaaN se?

'allaamah Iqbaal

Post by **PK Swami** » Tue Jul 26, 2005 4:46 pm

ek eztaraab.e musalsal hai, dard paiham hai
tumHaree yaad salaamat rahe to kyaa gham hai ?

teri talaash pe haNstee hai umr do rozaa
hazaar saal jiooN, to bhee zindgee kam hai

PK Swami

Post by **Hashmat Usmani** » Wed Jul 27, 2005 1:53 am

kab yaad meN teraa saath nahiiN, kab haath meN teraa haath nahiiN?
sad shukr k apnii raatoN meN ab hijr kii koii raat nahiiN

Faiz AHmad "Faiz"

RAUSHNEE · Post by **RAUSHNEE** » Fri Jul 29, 2005 12:38 pm

ai mere rone waalo! Khudaara jawaab do!!
voh baar baar puuChhte haiN: kaun mar gaya?!

Post by **Hashmat Usmani** » Fri Jul 29, 2005 7:02 pm

vafaa kaisii? kahaaN kaa 'ishq? jab sar phoRnaa Thehraa
huye tum dost jiske, dushman uskaa aasmaaN kiuN ho?

Mirzaa Asadullah KhaaN "Ghaalib"

Abdullah Nazir · Post by **Abdullah Nazir** » Mon Aug 01, 2005 3:45 pm

Ishrat-e-saaya-e-gul yaad dilaate kiyuN hou

khwaab meiN aate hou kiyuN neend uRaate kiyuN hou.

Nazir.

Post by **zmufti** » Wed Aug 03, 2005 8:25 pm

na sholey maiN yeh karishma na barq maiN yeh ada
koi batao keh woh shookh-e-tund khu kia hai?

Abdullah Nazir · Post by **Abdullah Nazir** » Sun Aug 07, 2005 6:13 am

kyaa tumheN ab yaad apne w'ada o paimaaN nahiN

raat kii tanhaayi meiN ghuTne lagaa dam kyaa karuN.

Nazir.

Abdullah Nazir · Post by **Abdullah Nazir** » Mon Aug 08, 2005 6:30 am

kyaa tum bhii mujhko chouR ke khaabaoN meiN khougaye

aisaa bhii waqt aagayaa kyaa meri jaan per.

Nazir.

Post by **Shummu** » Mon Aug 08, 2005 11:53 am

maiN ise shohrat kahooN, yaa apni ruswaa'ii kahooN?
mujh se pahle us galee meN mere afsaane gaye

Abdullah Nazir · Post by **Abdullah Nazir** » Wed Aug 10, 2005 3:24 am

kyaa maiN apne dil kii baataoN ko bhii parde meiN rakhooN

raah-e-ulfat meiN bhalaa kyaa khauf-e-rusvaayhi mujhe.

Nazir.

Post by **Shummu** » Wed Aug 10, 2005 9:30 am

HAR MULAQAAT KA ANJAAM JUDAII KYON HAI?
AB TO HAR WAQT YAHI BAAT SATAATI HAI HUMEIN

RAUSHNEE · Post by **RAUSHNEE** » Thu Aug 11, 2005 2:16 am

wahan kaun gher mein hai muntazir,k fiqr ho der sawer ki
bari mukhtasr si yeh raat hai issay chandni mein guzar do

RAUSHNEE · Post by **RAUSHNEE** » Fri Aug 12, 2005 12:46 am

vafaa naa aashna logoN ki socheN kitni sastee haiN
ke saari zindagi kis ne nibhaaii kaun dekhe ga ?

SAWALIYAH ASH,AAR========

???

sawaliya sheAr ?????

???

???

???