Lafz par ashar#15--DEEWANA

Post by **syed bilal armaan** » Mon Aug 01, 2005 8:14 am

assalam walekum
dosto'un app ney "SAJDA" unwan par bahut acche ashar likhe.lekin us unwan ka waqt katam ho gaya hai. lijye ab pesh hai nay unwan "DEEWANA".is unwan par app 10 augest tak ashar likh sakte hain. mujhe app ke behtareen ashar ka intezaar rahegaa. lijye main yahan se shoorwat karta hoon.
NOTE: iss bar se unwan har 10 din badh badla jaye gaa.

mujhko aaye haiN samjhaane kaii
pehle main deewana tha ab haiN deewaane kaii

RAUSHNEE · Post by **RAUSHNEE** » Mon Aug 01, 2005 1:35 pm

dekha asad ko jalwat-o-khalwat mein barha
deewana ger nahi tu hooshyaar bhi nahi

Abdullah Nazir · Post by **Abdullah Nazir** » Mon Aug 01, 2005 3:38 pm

Wada-e-vaSl jou karte hou sataate kiyuN hou

aur deewaane ko deewaanah banaate kiyuN hou.

Nazir.

Post by **syed bilal armaan** » Tue Aug 02, 2005 10:43 am

ek deewanene ne mujhe dewaana bana rakha hai
ham kon hain kahan hain anjaana bana rakha hai

tabasum · Post by **tabasum** » Thu Aug 04, 2005 5:27 am

kuN kuredte ho zakham purane ko
na chhedo is dewane ko

mai to duniya ko bhool gaya
aaye ho rasme nibhane ko

Post by **syed bilal armaan** » Fri Aug 05, 2005 7:58 am

sara_j wrote:Badanaam mere pyaar kaa afsana hua hai

deewane bii kahte hain ki deewana hua hai

Wah bahut khoob sara jee

Post by **syed bilal armaan** » Fri Aug 05, 2005 8:01 am

ke baar-e aalam koyle sa uthaana

haiN phir jaake banta heere sa deewana

Post by **zmufti** » Fri Aug 05, 2005 8:12 am

dast-e junooN ko apney barha jaib ki taraf
mashoor tu jahaN maiN hai deewana-e-hijaz

Abdullah Nazir · Post by **Abdullah Nazir** » Sat Aug 06, 2005 2:23 am

teri nigaah-e-naaz ne deewaanah kardiyaa

ab souchtaa hooN jaauN tou jaaooN kidhar ko maiN.

[color\brown]
Nazir.
[/color]

Abdullah Nazir · Post by **Abdullah Nazir** » Sat Aug 06, 2005 2:54 am

loag yooN tou mujhe hushyaar samajhte heiN magar

Unko maAloom nahiN maiN tiraa deewaanah hooN.

Nazir.

Post by **syed bilal armaan** » Sat Aug 06, 2005 7:41 am

Mousam-e-gul bhi qayam ki hawa deta hai
aur deewane ko deewana bana deta hai

Post by **Shummu** » Sat Aug 06, 2005 9:17 pm

pehle to tumne hee humko deewaanaa mashoor kiyaa
ab jo hamaare sar pe patthar barse to ghabraaye kyon

shahnaz zafar · Post by **shahnaz zafar** » Sun Aug 07, 2005 2:59 am

apanaa diivaanaa banaayaa mujhe hotaa tuune
kyo.n Khirad_mand banaayaa na banaayaa hotaa

Abdullah Nazir · Post by **Abdullah Nazir** » Sun Aug 07, 2005 3:04 am

naaz o adaay-e-yaar ne deewaanah kardiyaa

kaise kahooN keh ishq meiN kuch housh hei mujhe.

Nazir.

Abdullah Nazir · Post by **Abdullah Nazir** » Sun Aug 07, 2005 6:31 am

majnooN kii TarH dasht meiN deewanah maiN bhii hooN

gar woh thaa ik fasaanah tou afsaanah maiN bhii hooN.

Nazir.

Lafz par ashar#15--DEEWANA

Lafz par ashar#15--DEEWANA

"deewaanah"

"deewaana"

"deewaanah"

"deewaan"

"deewaanah"