Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Sun Aug 07, 2005 3:36 am

ek baat, ijaazut hou tou poochonga maiN un se

MaiN khaSm nahiN thaa tou mujhe bhool gaye kiyuN

maiN / kiyuN

Nazir.

RAUSHNEE · Post by **RAUSHNEE** » Sun Aug 07, 2005 12:10 pm

main na kehta tha tumhain AHD nibhaana ho ga
ab kiyon kerte ho dunya say shikayat meri

Post by **Shummu** » Mon Aug 08, 2005 11:45 am

maiN kuch na kahooN aur ye chaahooN ke miree baat
khushboo ki taraH uR ke tire dil meiN utar jaaye

khushboo/jaaye

Abdullah Nazir · Post by **Abdullah Nazir** » Wed Aug 10, 2005 3:15 am

jab mahak uThte heiN dil meiN tiri yaadaoN ke gulaab

souchtaa hooN ke miri raat kaTegi kaise.

souchtaa / kaise

Nazir.

Post by **Shummu** » Wed Aug 10, 2005 9:31 am

Kaise Ham-dard Ho Tum Kaisee Masihaayee Hai,
Dil Pe Nashtar Bhi Lagaate Ho To Marham Ki tarah

DIL/TARAH

RAUSHNEE · Post by **RAUSHNEE** » Thu Aug 11, 2005 2:01 am

dil yeh kehta hai k shayad ho fasurada tu bhi
dil ki kia baat karein dil tu hai nadan janan

Abdullah Nazir · Post by **Abdullah Nazir** » Sun Aug 14, 2005 1:50 am

itnaa karm bhii hou nah sakaa tum se pyaar meiN

gulgasht ke liye kabhi aate bahaar meiN.

gulguhast / meiN

Nazir.

Abdullah Nazir · Post by **Abdullah Nazir** » Wed Aug 17, 2005 6:01 am

her dam tumhaari yaad ne rakhkhaa hei muSTarib

kaise sanbhaaloon apne dil-e-beqaraar ko.

kaise / ko

Nazir.

Abdullah Nazir · Post by **Abdullah Nazir** » Thu Aug 18, 2005 9:53 am

dil kii baat samajhkar bhi tum kiyuN anjaan se rehte hou

maiN tum se kyaa maangrahaa hooN tum mujh se kyaa kahte hou.

maiN / hou

Nazir.

Post by **Shummu** » Fri Aug 19, 2005 11:51 am

us ne dekhaa hii nahiiN dard kaa aaghaaz abhii
ishq ko apanii tamannaaoN pe hai naaz abhii

ishq/abhii

Abdullah Nazir · Post by **Abdullah Nazir** » Fri Aug 19, 2005 4:50 pm

ishq meiN dil shikani hei tiraa andaaz abhi

chaiR mat mujhko khudaaraa mire hamraaz abhi.

chaiR / abhi

Nazir,

Abdullah Nazir · Post by **Abdullah Nazir** » Sun Aug 21, 2005 3:25 am

Use khabar nah houi kis qadar udaas thaa maiN

hamesah wada hii kartaa rahaaa, nibhaa nah sakaa.

hamesha /saka

Nazir.

Abdullah Nazir · Post by **Abdullah Nazir** » Fri Aug 26, 2005 11:02 pm

kisi ke waAda-e-fardaa kaa iAtibaar tou hei

magar wafaa ki tavaqquA mujhe nahiN hei abhi.

magar / abhi

Nazir.

Abdullah Nazir · Post by **Abdullah Nazir** » Sun Aug 28, 2005 2:37 am

meraa zauq-e-nigah-e-tishna-e-deedaar alag

aur mujh se tiri her rouz kii takraar alag.

aur / alag

Nazir.

Post by **Shummu** » Sun Aug 28, 2005 12:16 pm

sitaaroN se aage jahaaN aur bh`ee haiN
abh`ee i`shq ke imtiHaaN aur bh`ee haiN

abhi/hain