Shair ka jawab shair main dejeye

shahnaz zafar · Post by **shahnaz zafar** » Wed Jun 08, 2005 10:35 pm

sab kuch mai bhula baitha tha hangaamey jonoo mai
ab hosh mai aaya hoon to ghar dhoond raha hoon

Post by **najma** » Wed Jun 08, 2005 10:37 pm

qafas meiN thay, to har-ik shaakh intizaar meiN thii
qafas se nikle,to ab aashiyaaN naheeN milta
najma

Abdullah Nazir · Post by **Abdullah Nazir** » Thu Jun 09, 2005 12:42 am

samajh rahe thay ke dunyaa hei apne qaaboo meiN

magar wo but hei ke uskaa nishaaN nahiN miltaa.

Nazir.

Post by **najma** » Thu Jun 09, 2005 1:42 am

dair-o-haram ki raah se dil bach gaya magar
terii galii ke moR pe saudaaee ban gaya
saghar

Taskeen · Post by **Taskeen** » Thu Jun 09, 2005 2:47 pm

ye soch lo ab aaKhri saya hai muhabbat
is dar se uthoge to koyi dar na milegaa

Post by **najma** » Thu Jun 09, 2005 6:36 pm

gar ijazat ho to qismat aazmaa kar dekh leiN?
aap hi ke sang-e-dar pe sir jhuka kar dekh leiN?
najma

Abdullah Nazir · Post by **Abdullah Nazir** » Sat Jun 11, 2005 3:05 am

dil khulaa, aankheN khuli heiN, dar khulaa

chouR jaa khaT unkaa naamah bar khulaa.

Nazir.

Post by **najma** » Sat Jun 11, 2005 3:08 am

nazar aatii naheeN soorat koee tark-e-ta,alluq kii
keh ab to saathlay aataa hay nama-bar qalam kaGhaz
najma

Abdullah Nazir · Post by **Abdullah Nazir** » Sat Jun 11, 2005 7:29 am

chalo achcha houaa, ab guftagu kii raah nikli hei

zaraa maiN bhii tou dekhooN kal kahaaN tak baat phonche gi.

Nazir.

Post by **najma** » Sat Jun 11, 2005 12:07 pm

baat niklii to baat chal niklii
baR h gaee baat, baatoN baatoNmeiN

najma

Post by **najma** » Sat Jun 11, 2005 8:24 pm

shaairii jiska naam hay najma!
waqt ki daastaan hotii hay
najma

shahnaz zafar · Post by **shahnaz zafar** » Sun Jun 12, 2005 3:10 am

kitabon kii dokaan kholi hai mainey
bahot sastey mai zever baichta hoon

Post by **najma** » Sun Jun 12, 2005 8:54 am

shahnaz zafar wrote:kitabon kii dokaan kholi hai mainey
bahot sastey mai zever baichta hoon

waah

khuda rak,khay salamat unko, jin ke faiz ne najma!
mohabbat ki khalish de-kar kitab-e- shaairii dedii
najma

Abdullah Nazir · Post by **Abdullah Nazir** » Mon Jun 13, 2005 1:59 am

hamaare darmiyaaN kuch faasle Taiy hou nahiN paaye

rah-e-ulfat meiN yooN hii gaamzan rehnaa zaroori hei.

Nazir.

Post by **najma** » Mon Jun 13, 2005 9:29 am

maslehat thii jo hogaee khaamosh
warna alfaaz ki kamii hay kahaaN
rabiya siddiqui sham,a