sabaq_aamoz ash'aar likhiiye

Post by **PK Swami** » Tue Jul 12, 2005 7:53 am

husn.e roz afzooN pr ghurra
kis liye ai maH.e roo ?
yooN hee ghaTaa jayegaa
jitnaa k baRhtaa jaye hai !

PK Swami

Post by **Hashmat Usmani** » Wed Jul 13, 2005 2:27 am

aalaam-e-roz_gaar ko aasaaN banaa diyaa
jo Gham huaa use Gham-e-jaanaaN banaa diyaa

AsGhar GonDvii

Post by **PK Swami** » Wed Jul 13, 2005 5:49 pm

keH do ye koHkan se k marnaa naheeN kamaal
mar mar ke hizr.e yaar meiN jeenaa kamaal hai

PK Swami

Post by **Hashmat Usmani** » Wed Jul 13, 2005 8:06 pm

chala jaataa huuN haNstaa kheltaa mauj-e-Hawaadis se
agar aasaaniiyaaN hoN, zindagii dushwaar ho jaaye

AsGhar GonDvii

RAUSHNEE · Post by **RAUSHNEE** » Fri Jul 15, 2005 9:47 pm

jawano ko meri ah-osahar day
phir in shahen bachon ko balopar day

khudaya arzo meri yahi hai
mera nor-e-baseerat amm ker day

Post by **Hashmat Usmani** » Sun Jul 17, 2005 5:00 am

sunataa huuN baRe Ghaur se afsaana-e-hastii
kuchh Khowaab hai, kuchh asl hai, kuchh tarz-e-adaa hai

AsGhar GonDvii

Post by **PK Swami** » Sun Jul 17, 2005 3:24 pm

bahut dushwaar hai dast.e talab kee jaada paimaaie
ye khaak.e paak har na.ahl se chhanee naheeN jaatee

baseerat vo hai jo idraak ko had.e nazar samjhe
haqeeqat vo haqeeqat hai jo peHchaanee naheeN jaatee

PK Swami

Post by **Hashmat Usmani** » Tue Jul 26, 2005 3:00 am

koii ab tak na yeh samjhaa k insaaN
kahaaN jaataa hai, aataa hai kahaaN se?

'allaamah Iqbaal

Post by **PK Swami** » Tue Jul 26, 2005 4:50 pm

oos aik aaH kee barsooN se justjoo meiN hooN
jo hizr.e yaar meiN sharmida.e asar ho jaai

hazaar saal kee umr.e daraaz se beHtar
vo aik dam, jo teri yaad meiN basar ho jaai

PK Swami

Post by **Hashmat Usmani** » Wed Jul 27, 2005 1:49 am

apnoN se bai'r rakhnaa tuu ne butoN se siikhaa
jang_o_jadal sikhaayaa vaa'iz ko bhii Khudaa ne

'allaamah Iqbaal

Post by **Hashmat Usmani** » Sat Jul 30, 2005 4:37 am

Khudii ko kar buland itnaa ki har taqdeer se pahle
Khuda bande se Khud poochhe, bataa!, terii razaa kia hai

'allaamah Iqbaal

Abdullah Nazir · Post by **Abdullah Nazir** » Sat Jul 30, 2005 4:52 am

"aseeraan-e-qafas gham bhool jaate heiN rihaa houkar

magar Sayyaad ke dil se pashemaani nahiN jaati."

Akbar Hyderabadi.

Nazir.

Post by **Hashmat Usmani** » Sat Jul 30, 2005 4:58 am

kiuN hameN maut ke paiGhaam diye jaate haiN
ye sazaa kam hai k jiye jaate haiN

Shamiim Jaipurii[/quote]

Post by **Shummu** » Mon Aug 08, 2005 11:46 am

Girte hain sheh-sawar hi maidain-e-jung main,
Woh tifl kya giraingay jo ghutano ke bal chalain.

Post by **Shummu** » Thu Aug 11, 2005 8:56 am

Iqbal

Mitaa de apni hasti ko agar kuch martaba chaahe
Ke daana khaak mein mil kar gul-e-gulzaar hota hai

sabaq_aamoz ash'aar likhiiye

sabaq aamoujz